ابني ساب مراته وطفش ٢ماني السيد

بس اللي ما كنتش أعرفه إن التغيير الحقيقي لسه ما بدأش. في نفس الليلة، وأنا نايمة، سمعت صوت سلوى بتتكلم في الصالة. فتحت الباب بهدوء. لقيتها قاعدة على الأرض، قدامها ورق كتير. وكان معاها واحدة من المدرسات. سمعتها بتقول: — أنا مش عايزة أظلــ,,ـــــم حد. المدرسة ردت: — وإنتِ مش هتظلــ,,ـــــمي حد. إنتِ بس لازم تحفظي حقك.

سلوى قالت: — أنا خايفة. — من إيه؟ — خايفة حماتي تطردني. — طيب وابنها؟ سلوى سكتت. المدرسة قالت: — جوزك مختفي بقاله قد إيه؟ قالت: — شهور. — ومحدش يعرف مكانه؟ — لأ. — وإنتِ حاولتي توصلي له؟ — كتير. — طب والأولاد؟ سلوى حطت إيدها على وشها. — عشان كده أنا مستحملة. المدرسة قالت لها: — لازم تبدأي تاخدي خطوات قانونية. أنا اتجمدت ورا الباب. “خطوات قانونية؟” سمعت سلوى تقول: — بس أنا معنديش فلوس لمحامي.

قالت لها: — أنا أعرف محامي محترم، وممكن يكلمك من غير أتعاب في البداية. قلبي بدأ يدق بسرعة. رجعت أوضتي وقفلت الباب. فضلت قاعدة على السر,,ـــــير أفكر. لو سلوى رفعت قضية على ابني، هتفضحه. ولو عرفت مكانه، ممكن تجيبه بالقانون. ولو ابني عرف إني ساعدتها؟ مش هيسامحني. لكن في نفس اللحظة، كان فيه سؤال تاني بيخبط في دماغي: “طب هو ابني سايبها ليه من غير طلاق؟” أنا طول الوقت كنت بقول لنفسي إنه أكيد عنده أسبابه.

وكنت بقول لها: “مانتي لو زوجة عدلة مكنش طفش منك.” لكن لأول مرة، السؤال الحقيقي ظهر قدامي. “هو ابني عمل إيه؟” تاني يوم الصبح، سلوى خرجت بدري جدًا. كنت فاكرة إنها راحت المدرسة. لكن بعد ساعتين رجعت. وكان معاها راجل في الخمسينات. لابس بدلة بسيطة وماسك شنطة جلد. أول ما شفته، قلبي وقع. سألتها: — مين ده؟ قالت: — الأستاذ حسام. قال: — السلام عليكم.

رديت السلام وأنا متوترة. قالت سلوى: — ده المحامي اللي المدرسة رشحته لي. بصيت لها. — محامي؟ قالت: — أيوه. قلت: — وإنتِ محتاجة محامي ليه؟ الراجل رد بهدوء: — عشان نبدأ نثبت حقوقها وحقوق أولادها. قلت بعصبية: — حقوق إيه؟ هي قاعدة في بيتها. بص لي المحامي وقال: — وأنا مقدر ده، بس السكن شيء، وحقوق الزوجة والأولاد شيء تاني.

حسيت إنه بيتحداني. قلت: — ابني غايب. قال: — وغيابه لا يلغي حقوق أولاده. سكت. وبعدين قال جملة خلتني أحس إن الأرض بتتحرك تحت رجلي: — خصوصًا إن عندنا معلومات جديدة عن مكان الزوج. بصيت لسلوى. هي كانت باصة للأرض. قلت: — إنتِ عرفتي مكانه؟ رفعت عيني. لكنها ما ردتش. المحامي هو اللي قال: — أيوه. قلبي بدأ يخبط.

— فين؟ قال: — ده بالضبط اللي جايين نتأكد منه. قربت منه. — يعني إيه؟ فتح شنطته وطلع ملف. حطه على الترابيزة. وقال: — لأن الموضوع مش مجرد زوج ساب زوجته ومشي. سكت لحظة. ثم أضاف: — فيه عقد زواج تاني ظهر في الأوراق. بصيت لسلوى. وشها كان شاحب. قلت: — عقد زواج تاني؟ المحامي هز رأسه. — وفيه حاجة أخطر. قلت: — إيه؟ فتح أول ورقة. لكن قبل ما يمدها لي، سلوى قالت بسرعة: — استنى يا أستاذ حسام.