تاني ورقة تقرير الطب الشرعي الأولي للعمال التلاتة، وفيه إثبات إن الۏفاة ناتجة عن تهتك في الجمجمة والجسد بسبب سقوط مفاجئ لخلل فني في أقفال الأمان للسقالة. وتالت ورقة... كانت الصدمة الحقيقية. إيصالات أمانة وشيكات على بياض ممضية من زوجة عم محروس وأهالي باقي العمال، مجبرين عليها عشان يتنازلوا، ومكتوب في تقرير داخلي سري بخط فريد تم ټهديد الأهالي بحبس أولادهم في قضايا تخريب وإتلاف عمد في حال عدم قبول التسوية الودية المقدرة بمبلغ خمسين ألف جنيه لكل أسرة.
خمسين ألف جنيه قصاد روح بني آدم شقيان! خمسين ألف جنيه في مشروع قيمته أكتر من ستة مليار! طلعت تليفوني وبدأت أصور كل ورقة، صفحة صفحة، صورة واضحة وعالية الجودة. وقبل ما أقفل الفولدر، عيني وقعت على صندوق خشبي صغير محطوط في آخر الرف ومكتوب عليه اسم غريب أرشيف قديم عبد الحميد السويفي. عبد الحميد السويفي... ده اسم بابا!
قلبي سقط في رجلي. بابا اللي ماټ من سنين طويلة، إيه اللي جايب اسمه في خزنة الشؤون القانونية لشركة ميرفت؟ سحبت الصندوق بإيد بتترعش، فتحت القفل بتاعه اللي كان مكسور ومحطوط عليه شريط لاصق، وطلعت الملف اللي جواه. كان فيه ورق أصفر من بتاع التسعينات، أوراق بيع وشراء، وتوكيل رسمي عام من بابا لميرفت الجوهري قبل ما تسيبه بشهرين.
قريت السطور والدموع بتغلي في عيني ميرفت زمان استغلت حب بابا وثقته العميا فيها، وخليته يوقع على توكيل بيع لأرض زراعية ورثها عن جدي في القليوبية، وشقة تانية في مصر الجديدة كانت ملكه، وباعتهم باسمها واستخدمت الفلوس دي كراس مال أولي عشان تبدأ أول شركة استيراد وتصدير ليها مع شريكها القديم! ميرفت مش بس رمتني وسابت بابا ومشت، ميرفت سړقت بابا، جردته من كل قرش حيلته، وسابته مديون ومكسور، ولما بابا جه يطالب بحقه
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.