لو السما انطبقت على الأرض، مليم أحمر منها مش هيدخل شقة نيرمين، ولا هتشوف منه قشاية. تشتري سيراميك، تشتري طين، تجيب دهانات جوتن، تجيب جير، دي مشكلتها ومشكلتك، تصرفوا من جيبكم. ثانياً بقى، وده الأهم... الشقة اللي إنت واقف فيها دي، ملكي أنا، شاريينها من ورث والدي الله يرحمه والتوكيل والعقد الأخضر باسم فيروز السيوفي. طول السنين اللي فاتت، أنا شايلاك ومتحملة نص المصاريف عشان كنت بقول راجلي وسندي وبنبني سوا.
لكن طالما إنت قررت تفرغ نفسك وتشتغل باليومية وببلاش في عقارات الهانم أختك، يبقى إنت راجل مستغني. ومن بكرة الصبح، مصاريف البيت مقسومة نصين بالمللي، إيجار ما فيش عشان شقتي، بس تمن لقمتك، تمن النور والمية والغاز، ومصاريف غسيل هدومك ومسحوق الغسالة الأوتوماتيك، تجيبهولي كاش في إيدي كل أول شهر. ما معكش؟ الهانم أختك اللي مشغلاك عندها تصرف عليك وتديك يوميتك ووجبتك السخنة هناك!
أشرف وشه اتخطف وبقى لونه رمادي إنتي بتقولي إيه يا فيروز؟! بتعايريني بشقتك؟! وعايزاني أدفع تمن أكلي في بيتي؟! دا أنا جوزك! والشرع والدين بيقولوا... فيروز ضحكت بصوت واطي وموجع، ضحكة كلها مرار الشرع والدين؟! والنبي حلوة دي! هو الشرع والدين افتكرتهم دلوقتي بس لما جت سيرتي أنا؟! الشرع والدين ما قالوش إن الراجل يرمي شقى سنين أمه في حجر أخته، ويسيب مراته تصرف على بيته وهو شغالطمع الأقارب ج 1 حكـايات مني السيد حصري موقع أيام تريندز صبي نقاش وعتال بوابين لأخته اللي قاعدة تحط رجل على رجل وتتآمر؟
! الشرع والدين يا أشرف بيقول إنك ملزم تكفيني وتصرف عليا مش تشحت مني فلوس جمعيتي عشان تبلط لشقيقتك؟! ده اللي عندي، والكلمة اللي تخرج من بوقي سيف على رقبتي. عايز تاخد إجازتك وتشتغل مع نيرمين؟ ورينا شطارتك ورجولتك من غير قرش صاغ من جيبي. سابت أشرف واقف في الصالة مبلول من الصدمة، ودخلت أوضتها، قفلت الباب بالمفتاح، ومن جوة سمعت صوت رزع باب الشقة العمومي، وعرفت إنه نزل يجري على تحت، للشقة اللي في الدور التاني، يشتكي للست نيرمين، مستشارته العسكرية والمحرك الأساسي لكل مصېبة في حياته.
نزلت نيرمين في صالة شقتها المفروشة نص فرش، الشقة الكبيرة اللي مساحتها داخلة في ميتين متر في موقع حيوي في الدقي، ورثتها بالكامل بعد ما لعبت على عواطف أمها قبل ما ټمــ,,ـــــوت، وأقنعتها إنها بنت غلبانة وما لهاش راجل يسترها لو الدنيا دارت بيها، في حين إن أشرف ربنا فاتحها عليه ومراته وارثة شقة وحيلتها قرشين في البنك.
نيرمين كانت قاعدة على كنبة قديمة، لابسة عباية بيتي واسعة، وماسكة كشكول سلك وقلم جاف، بتسجل في لستة المتطلبات عشرين شيكارة أسمنت أسيوط... 15 متر رمل ناعم... مواسير تلاتة بوصة للشرفة... صنايعي جبس بورد للصالة.... أول ما أشرف دخل ورزع الباب وهو بينهج ووشه جايب مية، رفعت راسها ونفخت دخان سېجارة خفية كانت شرباها بعيد عن الشباك مالك يا أشرف؟ داخل عليا كأنك شايف عفريت ليه؟ فكيت الخلاط ولا لسه؟ وقولت لمراتك على فكة الجمعية؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.