فين أصل عقد الشقة وفين شهادات الضمان اللي كانت في الخزنة؟! إنتي وديتي أوراق التسهيل فين؟! بصيتله وأنا رافعة حاجبي، ومشيت بخطوات بطيئة ناحية السفرة، عيني جت على بواقي الجمبري الفاخر اللي متساب في الأطباق، وبصيت لكيس الأندومي الفاضي اللي كان مرمي جنب الزبالة. مديت إيدي ومسكت طبق كان لسه فيه جمبرياية كبيرة مقلية، وبصيت لأحمد وقولت بصوت واطي جداً بس كان بيسمّع في أركان الشقة إنت بتسأل على الورق يا أحمد؟
طب مش تسأل الأول على عشا بنتك؟ مش تسأل مراتك وبنتك اللي شغالين يصرفوا على العزوة دي اتعشوا بإيه ولا ناموا جعانين إزاي؟ حماتي قامت وقفت، ونفخت بغل ما بنتك قدامها الأكل جوه أهو! هو الأندومي بقى وحش دلوقتي؟ إحنا طول عمرنا بناكل العيش الحاف ونسكت، والنعمة نعمة ربنا! بعدين دي طفلة، هتفهم إيه في طعم الجمبري ولا السوشي؟
إحنا ضيوف في بيتك ولازم نضايف كويس، وإنتي فلوسك وخيرك كله من خير ابني! ضحكت.. ضحكة قصيرة طالعة من قعر قلبي خلت حماتي تبرق وشيرين تتراجع خطوة لورا. خير ابنك؟ قولت الكلمتين دول وأنا ببص لأحمد في عينيه مباشرة خير ابنك اللي بقاله تلت شهور سالف مني إيجار مكتبه الصوري؟ ولا خير ابنك اللي عايش في شقة ملكي أنا، من دم بابا وميراثي؟
ولا خير ابنك اللي سايبك يا طنط تسحبي من كارتي الشخصي كل أول شهر عشرين ألف جنيه عشان تجيبي دهب وتجددي عفش بيتك القديم وإنتي بتقوليلي دا دوا ومصاريف علاج؟ أحمد وشه احمر وبدأ يزعق عشان يغطي على الحقيقة متدخليش الأمور في بعضها يا ندى! إحنا بنتكلم في شغل! المقاول بره مستني التوقيعات، والراجل ده دفعنا له عربون بالفيزا الفرعية بتاعتي من أسبوعين وواقف على الدفعة الكبيرة اللي المفروض تخرج الليلة دي!
انتي لما قفلتي الكروت ولغيتي التسهيل وقفتي المراكب السايرة! إنتي متخيلة لو البنك مطلعش القرض بكرة الصبح إيه اللي هيحصل؟! إحنا كاتبين شيكات ووصولات أمانة على نفسنا بالفلوس دي! هنا وقفت قدامه بالظبط، وطلعت الفلاشة من جيبي ورفعتها قدام وشه. قصدك الشيكات اللي انت وشيرين ماضيينها على أمل إن قرض الشقة بتاعتي يطلع ويسددهم؟
قصدك الخطة اللي انتوا مرتبينها بقالكم ست شهور عشان ترهنوا الشقة وتعلوا التلت تدوار اللي فوق باسم شيرين، ولما القرض ميتسددش البنك يحجز على شقتي أنا ومرتبي أنا، وتطلعوا إنتوا كسبانين عمارة كاملة بضمان قفايا؟ الصالة اتقلبت سكوت تام. شيرين مسكت في إيد أمها، وبدأت شفايفها تترعش إنتي.. إنتي عرفتي الكلام ده منين؟ إنتي بتجسسي علينا؟
أحمد بلع ريقه بصعوبة، عينه نزلت على الفلاشة، وحاول يمد إيده عشان يخطفها مني، بس رجعت خطوة لورا وخبيتها في شنطتي ببرود. الورق الأصلي بتاع الشقة محفوظ في مكان لو قعدت تدور عليه مية سنة مش هتعرف توصله قولتله ده وأنا بصلبه بنظرتي والتوكيل المزور اللي كنت فاكر إنك تقدر تستخدمه، اتلغى رسمياً في الشهر العقاري من أسبوع، وقدمت بلاغ إثبات حالة بالورق المسروق.
يعني خطوتك الجاية لو فكرت حتى تلعب في أي مليم يخصني، مش هتكون في البنك.. هتكون في النيابة. حماتي صوتها راح، قعدت على الكنبة وهي بتضــ,,ـــــرب صدـ,,ـــرها يا فضيحتك يا أحمد! يا خراب بيتك يا ابني! الست طارت منها السيطرة وناوية تدبسنا في المحاكم! أحمد كان بيتنفس بصعوبة، وشه اتغير 180 درجة، وبدأ يغير نبرته من الزعيق للتوسل الرخيص ندى.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.