. التنازل ده باطل بطلان مطلق بقوة القانون يا باشا.. أستاذ مجدي رد بحزم وقوة الأم لا تملك التنازل عن حضانة الصغار إذا كان التنازل يضر بمصلحتهم، والطفلين في سن الرضاعة الطبيعية، وفصلهم عن الأم جريمة شروع في . عمد بالإهمال! وإحنا بنقدم دلوقتي بلاغ رسمي بطلب استرداد الأطفال فورًا ونقلهم لمستشفى لإثبات حالتهم الصحية!. الظابط مسك القلم وفضل يدق بيه على المكتب بتفكير.
الجو في الأوضة كان مشحون بدرجة تكفي تولع حــ,,ـــــريقة. بص لأحمد وبصلي، وقال بصوت حاسم الأطفال فين دلوقتي يا أستاذ أحمد؟. أحمد اتلجلج، وبص لنادية بنظرة سريعة مليانة توتر، وبعدين رد الولاد... الولاد في البيت مع والدتي، نايمين وبخير ومحدش يقدر يقربلهم!. في اللحظة دي بالظافت، تليفون نادية اللي كان محطوط على الترابيزة قدامها نور، وبدأ يرن.
نادية مدت إيدها بسرعة عشان تاخده، بس الظابط لمح الشاشة وقرا الاسم بصوت عالي دكتور طوارئ الأطفال مستشفى النيل التخصصي؟!. نادية اتخضت وإيدها اتجمدت في الهوا. أنا أول ما سمعت اسم المستشفى، عقلي طار. نسيت إني في قسم، ونسيت الظابط، وهجمت على الترابيزة خطفت التليفون وفتحت الاسبيكر قبل ما أحمد يلحق يشدني. وصوت الدكتور طلع من السماعة عالي وواضح، بيرن في الأوضة زي الرصاص ألو.
.. يا مدام نادية؟ الطفلين التوأم اللي حضرتك جبتيهم من ساعتين حالتهم متدهورة جدًا، الولد الصغير عنده جفاف حاد وهبوط في السكر بسبب امتناعه عن اللبن الصناعي وتناول أدوية مهجئة بطريقة غلط! إحنا محتاجين الأم فورًا تمضي على إقرار دخول العناية المركزة، وبنبلغ الشرطة رسميًا دلوقتي باشتباه تسمم دوائي... لازم تحضروا حالًا!.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.