الطيبـة الزايـدة ج 2 حكـايات مني السيد حصري

ثانياً مروة تعتذر لندى قدامنا كلنا على قلة ذوقها، ورجلك يا مروة متخطيش الشقة دي ولا تمدي إيدك على حاجة تخص بيت طارق، لو هتمــ,,ـــــوتي من الجوع تروحي لبيتك وراجلك يطبخلك، بيت أخوكي له احترامه! ثالثاً أم طارق.. تفضلي في شقتك معززة مكرمة، وابنك يخدمك بعينيه، لكن تتدخلي في أكل وشرب الشقة دي، أو توزعي وتفرقي على حساب ندى وعيالها، ده ممنوع منعا باتا، والحدود دي لو اتكسرت، متلوميش غير نفسك.

أحمد مكدبش خبر، طلع محفظته بإيد مرتعشة، وحط الفلوس على الترابيزة من غير ما ينطق ولا كلمة، وشه كان في الأرض من الخزي. ومروة، بوش مكبوت ومحروق، قربت مني وقالت بصوت واطي ومخنوق حقك عليا يا ندى.. مكنتش أقصد. بصيت لمروة وقلت بهدوء وثقة حقيقية لأول مرة أحس بيها مسمحاكي يا مروة، بس ياريت تفهمي إن عيالي ولقمتهم خط أحمر، وأنا لما بكرمك بكرمك بأصلي مش عشان أنا ضعيفة أو خايفة منك.

عمي فتحي هز راسه برضا، وطبطب على كتف طارق أنا ماشي يا ابن أخويا، وعايزك تهدي، أمك ملهاش غيرك برضو، بس الحدود دي اتعملت عشان البيوت تفضل عمرانة والمودة تفضل موجودة. يلا يا جماعة.. قدامي على تحت. نزلوا كلهم، ورا بعض، بخطوات مكسورة وموطيين راسهم، الباب اتقفل وراهم بهدوء، بس المرة دي الهدوء كان معناه راحة، معناه إن كل واحد اتعرف مقامه، وإن الحق رجع لأصحابه من غير ما نكون إحنا اللي ظلــ,,ـــــمنا أو اتعدينا.

طارق مسك الفلوس اللي أحمد حطها على الترابيزة، مسكها واداهالي في إيدي وقفل صوابعي عليها الفلوس دي تمن تعبك، وبكرة الصبح تنزلي تجيبي اللي نفسك فيه ليكي وللعيال. بصيت لطارق وابتسمت، حسيت إن جبل كان على صدـ,,ـــري وانزاح. الطيبة حلوة، بس لما يكون وراها راجل وسند، ولما تكون الست عارفة إمتى تقول لأ وإمتى توقف أي حد عند حده.

فتحت باب الأوضة، لقيت يوسف وسيف باصين ومبتسمين، جريوا عليا وحــ,,ـــــضنوني، قعدت على الأرض وسطهم وطارق نزل قعد جمبنا وضمنا كلنا في حــ,,ـــــضنه. ومن الليلة دي، اتعلمت الدرس اللي عمري ما هنساه الإحراج اللي يضيع حق عيالك مش أدب، ده خيبة.. واللقمة اللي تطلع بكرامة، بتشبع البيت كله رضا وعزة نفس.