حـرامي التلاجـة كـاملة حكـايات منـي السـيد

يا أنس، أنا بشتري سمك وجبنة غالية لينا إحنا، مش لعيلتك الكسلانة! وزنت كل كلمة كأنها حكم محكمة، وهي شايفاه بيمسح برطمان الزيتون في كمه بحنية متوفرة على روايات و اقتباسات أنا صاحية الساعة ستة الصبح. عملت تلات اجتماعات. وفضلت أحل في كوارث مع الموردين لحد الساعة تمانية بالليل. أنا جايبة الجبنة دي بأعصابي. ومنة عملت إيه النهاردة؟ نامت لحد الضهر؟ اتفرجت على مسلسل تركي؟

ودلوقتي عشان نفسيتها تعبانة لازم تلهف عشايا؟ إنتي مادية يا نادين، أنس اتفرد وبقى ضامم الأكل اللي لحقه لصدـ,,ـــره كأنهم عياله. صوته بقى فيه نبرة زعل مصطنع. إنتي عندك آلة حاسبة مكان قلبك. ده مجرد أكل. وبعدين دي أختي. دم لحمي. محتاجة حد يقف جنبها دلوقتي، مش محتاجة دروسك. هتاكل ساندوتشين يعني هنفلس؟ ما إنتي هتجيبي غيرهم.

مرتبك يسمح. يسمح عشان أنا بشتغل مش بقعد أندب حظي، نادين ردت وهي بتقدم وبتقفل سكة الباب بجسمها. وبجيبه لنفسي. مش عشان أختك الشحطة تقزقز تسالي غالية بفلوسي وهي غرقانة في كسلها. لو معندهاش أكل، تخش المطبخ تسلق مكرونة. فيه كيس في الضلفة النوع الرخيص اللي ب 10 جنيه. خدهولها. روحلها بيه. هي مبتحبش المكرونة، أنس الكلمة فلتت منه، وعض على شفايفه فوراً لما حس بغباء الرد. نادين ابتسمت ابتسامة باردة، حادة، مفيهاش ذرة دفا.

يا حرام، مبتحبهاش؟ مأساة بجد. وأنا بقى مبحبش حد يستغفلني. إنت حتى مكلفتش خاطرك تستأذن. استنيت لما دخلت آخد دش، ولقطت كل حاجة غالية ونضيفة وكنت بتتسحب زي الحرامية. زي فار المستودعات يا أنس، اللي بيسرق أي حاجة مش متثبتة في مكانها متوفرة على روايات و اقتباسات إياكي تغلطي فيا! انفجر فيها، ووشه بدأ يظهر فيه بقع حمرا من النرفزة. أنا كنت بحاول أعمل الصح!

كنت فاكر إننا بيت واحد، وإن اللي بينا مشترك! بس إنتي اللي بتقسمي بتاعي و بتاعك. دي خسة وضيق عين منك. المشترك ده لما نكون إحنا الاتنين بنحط في البيت، نادين ردت وهي مربعة إيدها. لما أكون أنا اللي شايلة البيت وإنت شغال دليفري لأختك يبقى ده مش بيت. ده اسمه استغلال. حط الأكل ده على الترابيزة. لأ، أنس هز راسه بعناد وهو بيحــ,,ـــــضن العيش والجبنة أكتر.

أنا وعدت منة. هي مستنياني. مكنش ينفع أروحلها وإيدي فاضية كأني فاشل. أنا راجل وكلمتي واحدة. على حساااابي، صوت نادين وطي، وبقى فيه فحيح زي التعبان قبل ما يلدغ. إنت استعملت شغلي، ووقتي، وفلوسي عشان تبان راجل قدام أختك. سهلة أوي الكرم بفلوس غيرك، صح؟ عامل فيها بطل بسلمون مسروق. فردت إيدها، وكفها باصص لفوق.

حركة كانت معناها إن مفيش رجوع. هاته. دلوقتي. يا إما تخرج ومترجعش تاني. مفاتيحك في جيبك؛ وبكرة هغير الكالون. اختار يا أنس. يا تبقى راجل ناضج وترجع اللي مش بتاعك، يا تروح تأكل منة نفسك. كلك على بعضك كده. بهدومك وبسكنك. أنس اتسمر مكانة. بص لنادين وهو بيدور على حنيتها القديمة، على عادتها إنها بتفوت عشان المركب تمشي. ملقاش غير إصرار بارد. مفيش دموع. مفيش تردد.