متجوز اتنين حكايات اماني سيد

الاتنين العدل إن كل واحدة تاخد حقها من غير ما أظلــ,,ـــــمها عشان التانية قلت لها وإني لما خليت واحدة تحس إنها تكسب كل حاجة والتانية تخسر كل حاجة كنت بعمل مشكلة أكبر من الجواز نفسه قالت لي دلوقتي فهمت قلت لها للأسف بعد ما دفعت الثمن قالت لي المهم إنك متخليش أولادك يدفعوه معاك وبعدها سكتنا لكن لأول مرة كان السكوت مش خانق كان فيه مساحة صغيرة للأمل وبعد فترة حصلت حاجة ماكنتش متوقعها مراتي

التانية رجعت تتصل بيا وقالت لي أنا عايزة أقابلك قلت لها ليه قالت لي لازم نتكلم قابلتها في مكان عام وكانت مختلفة تمامًا عن آخر مرة شفتها قالت لي أنا كنت فاكرة إنك بتحبني أكتر منها عشان أنا كنت بسمع منك كلام كتير لكن بعد اللي حصل فهمت إنك كنت بتحاول ترضيني على حساب ناس تانية قلت لها أنا مش هبرر قالت لي أنا كمان غلطت لما تعمدت أوجعها ولما سجلت كلامك وبعته لها ولما

خليتك تختار وأنا عارفة إن عندك طفل مريض لكن قالت لي أنا كنت عايزة أحس إني الأولى بأي تمن قلت لها وأنا سمحت لك بده قالت لي عشان كده أنا مش جاية ألومك وحدك أنا جاية أقول لك إننا الاتنين كنا بنغذي أسوأ حاجة في بعض قلت لها وإنتي عايزة إيه دلوقتي قالت لي عايزة ننهي العلاقة باحترام قلت لها يعني إيه قالت لي أنا مش عايزة أكون سبب في ټدمير بيتك الأول ولا عايزة

أعيش طول عمري في منافسة مع ست تانية قالت لي أنا كنت عايزة أحس إني متفضلة عليها لكن اكتشفت إن الإنسان لما يبني سعادته على ۏجع غيره بيفضل خاېف طول الوقت إن الۏجع يرجع له قلت لها ربنا يوفقك قالت لي ويوفقك بس قبل ما أمشي قالت لي حاجة واحدة قلت لها إيه قالت لي خلي بالك من أولادك لأنهم هيكبروا ويفتكروا كل حاجة حتى لو ماقالوش وأنا رجعت البيت يومها وأنا لأول مرة أحس

إن الاتنين انتهوا جوايا بطريقة مختلفة التانية انتهت كعلاقة والأولى بدأت تتحول من زوجة كنت باعتبر وجودها مضمون لإنسانة لازم أكسب ثقتها من جديد وفي الأيام اللي بعدها بدأت أكتشف تفاصيل كتير كنت غافل عنها ابني كان بېخاف لما حرارته تعلى وكان بيقول لأمه بابا هييجي ولا لأ وكانت بنتي كل ما تسمع صوت عربية تقف قدام البيت تسأل هو بابا جه ولا لأ وأنا كنت فاكر إن غيابي مجرد غياب راجل عن بيت لكن

اكتشفت إن غيابي كان بيعمل فراغ في قلوب أطفال ملهمش ذنب في اختياراتي وفي مرة بنتي سألتني سؤال صغير لكنه هزني قالت لي بابا إنت بتحبنا زي زمان قلت لها طبعًا قالت لي طب ليه كنت بتغيب كتير قلت لها عشان الشغل قالت لي ماما قالت إنك كنت بتشتغل كتير بس أنا عارفة إنك كنت بتروح مكان تاني سكت وماعرفتش أكذب عليها قلت لها أنا غلطت يا بنتي قالت لي يعني إنت كنت بتكدب علينا