حكايات منى السيد 2

الباب بدأ يتفتح ببطء… وأنا حرفيًا حسيت إن نفسي اتقطع. جوزي وقف قدامنا، وحماتي رجعت خطوتين لورا، وأنا فضلت واقفة مكاني مش عارفة أعمل إيه. المفتاح لف في الكالون مرة تانية. وبعدين الباب اتفتح شوية. وفجأة جوزي مد إيده وقفل الباب من جوه بكل قوته. سمعنا صوت الراجل من بره إنت فاكر إنك كده هتمنعني؟ جوزي رد بصوت عالي إنت مين؟ وعايز إيه؟ ضحك ضحكة باردة. أنا عايز الحاجة اللي مش بتاعتكم.

حماتي قربت مني وقالت ما تفتحيش. جوزي بص لها پغضب. إنتي عارفة الراجل ده؟ قالت بسرعة لأ. الراجل من بره قال بتكدبي. حماتي اتخضت. جوزي قال إنت بتقول إيه؟ قال اسأل أمك. سكتنا. جوزي بص لحماته. ماما؟ قالت ما أعرفوش. الراجل رد عارفاني كويس. وبعدين بدأ يخبط على الباب. خبطتين. وسكت. وبعدين قال آخر مرة هقولها… الورقة عندكم. جوزي قال إحنا مش عارفين ورقة إيه. رد يبقى اسأل مراتك. أنا شهقت. أنا؟ جوزي بصلي.

الراجل كمل لأن الورقة دخلت بيتك عن طريق شنطتها. أنا حسيت إن الدنيا بتلف بيا. بصيت على شنطتي. وبعدين بصيت لحماتي. قلت إنتي حطيتي الورقة في شنطتي فعلًا؟ حماتي ما ردتش. قلت بصوت أعلى ردي! قالت أنا كنت مضطرة. جوزي قال مضطرة لإيه؟ قالت لو كنت سبتها عندي، كانوا هياخدوها. مين؟ الناس اللي ورا الراجل ده. جوزي قال وأنا ومراتي ذنبنا إيه؟

حماتي دموعها نزلت. ما كانش قدامي حل. قلت كان قدامك حل إنك تقوليلي! قالت لو قلتلك، كنتي هتخافي. ضحكت بمرارة. دلوقتي أنا مش خاېفة؟ سكتت. الراجل بره بدأ يخبط تاني. جوزي قال لو ما مشيتش هبلغ الشرطة. الراجل رد بلغ. جوزي سكت. بلغهم وقول لهم إن فيه ورقة عليها دليل على سړقة مليون جنيه. حماتي قالت ما تعملش! جوزي بص لها. ليه؟ قالت عشان لو الشرطة جات… إيه؟ سكتت. كملي. قالت هيسألوا بنتي.

وإيه المشكلة؟ هتدخل في قضية. جوزي قال لو بريئة، القضية هتثبت براءتها. حماتي هزت راسها. الموضوع مش بالبساطة دي. أنا قلت أمال إيه؟ بصتلي. جوز بنتي نفسه مش بريء. جوزي سكت. أنا قلت يعني إيه؟ قالت هو اللي بيحاول يلبسها كل حاجة. جوزي قال عشان الفلوس؟ أيوه. طب هو اللي سرقها؟ حماتي ما ردتش. جوزي قرب منها. ماما، هو اللي سرق الفلوس؟ قالت أيوه. الكلمة وقعت علينا زي الصدمة. جوزي قال وإنتي عارفة؟

قالت عرفت بالصدفة. إمتى؟ من أسبوع. ليه ما قلتيش؟ لأن بنتي كانت هتتفضح. جوزي اتعصب. تتفضح وهي بريئة؟ قالت الناس مش هتصدق. قلت بس الورقة تثبت الحقيقة. قالت أيوه. جوزي قال أمال إحنا بنستخبى ليه؟ سكتت. وبعدين قالت لأن الورقة مش الورقة الوحيدة. جوزي بص لها. في إيه تاني؟ قالت في تسجيل.

قلت تسجيل إيه؟ قالت مكالمة. لمين؟ جوز بنتي. بيقول فيها إيه؟ قالت بيقول إنه استخدم بيانات مراتك. بصيت لها. بياناتي؟ هزت راسها. أيوه. جوزي قال إزاي؟ قالت هو كان عنده صورة بطاقتك. أنا اټصدمت. مين؟ قالت أختك. جوزي بصلي. أختي؟ حماتي قالت أختك كانت محتاجة منك صورة البطاقة من فترة. قلت أنا فعلًا كنت بعتها لها.