شقـا الـعمر ج ٢ حكايات منــال عـلـي

أبوه وأمه لفوا ضهرهم وخرجوا، وطارق وقف على الباب وبصلي باحترام حقك عليا يا أبلة هدى... وإحنا بريئين من الأشكال دي. ونزل وسابها. الباب اتقفل وراهم، وفضلنا أنا وهي في الشقة لوحدنا. نهى كانت واقعة على الأرض، بټعيط وبتصرخ، بتبص للدبلة المرمية في التراب، وبتبص للعفش اللي ملحقش يتهنى بيه حد. رفعت راسها وبصتلي بعينين مليانة سم وغل ارتحتي؟! خربتي بيتي؟! بوظتي جوازتي وفرحة عمري؟! منك لله يا شيخة، منك لله!

مشيت خطوتين وقفت قدامها، وبصيت في عينيها من فوق أنا مخربتش بيتك يا نهى... إنتي اللي بنيتي بيتك على أنقاض بيتي وشقايا... إنتي اللي دوستي على الأخت اللي ربتك وسابت اللقمة من بقها عشان تديهالك... إنتي اللي نسيتي ربنا، وفاكرة إن الورقة دي هتحميكي من دعوة مظلوم. قالت وهي بتنهج من العياط والذل مش هتاخدي الشقة برضه! هفضل قاعدة فيها، ومش هتنازل، وهخليكي ټموتي بحسرتك! ابتسمت بمرارة وطلعت تليفوني براحتك يا نهى...

بكره الصبح هيكون جوزي هنا في مصر، وطارق المحترم سجل كل اعترافاتك دلوقتي بصوته وصوت أهله، ولو الشقة دي متنازلتيش عنها في الشهر العقاري بكره الساعة تسعة الصبح برضاكي وبشهود، أنا هرفع قضية خېانة أمانة وڼصب، وهفضحك قدام المنطقة والعيلة كلها، وهخليكي تمشي في الشارع والناس بتشاور عليكي وتقول الڼصابة اللي سړقت أختها... واختاري بقى تتنازلي بالهدوء وتستري نفسك، ولا تدخلي السچن وتتفضحي ڤضيحة متتلمش طول عمرك؟ نهى بصتلي بړعب.

.. كانت أول مرة تشوف الوش ده مني. عرفت إن خلاص، كل الحبال اتقطعت، وإن البنت الصغيرة الساذجة اللي كانت بتستغل طيبتها ماټت ومبقاش ليها وجود. نزلت راسها في الأرض، وبصوت مخڼوق ومكسور قالت هتنازل... بس مش عايزة أشوف وشك تاني، إنتي مش أختي. قلتلها والدمعة نزلت من عيني ڠصب عني، دمعة ۏجع على الأخوة اللي ماټت إنتي اللي قټلتي الأخت دي من يوم ما قلتي شقتنا ببرود...

من اللحظة دي، إنتي بالنسبالي واحدة غريبة ماليش صلة بيها. تاني يوم الصبح... في الشهر العقاري، مضت نهى على عقد التنازل والبيع النهائي ليا، قدام موظف الشهر العقاري واثنين شهود. كانت إيديها بترتعش وهي بتمضي، وعينيها في الأرض مبترفعهاش. أول ما استلمت الورق في إيدي، ومسكت العقد المسجل باسمي أنا... بصيت للورقة وحسيت إن جبل كان فوق صدري وانزاح.

نهى خرجت من غير ما تنطق بكلمة، اختفت وسط الزحمة كأنها عمرها ما كانت في حياتي. خسړت أختي... أيوة، خسرتها للأبد. بس كسبت كرامتي، وحميت مستقبل بناتي، واتعلمت الدرس اللي ميتنسيش إن اللي مبيعملش لنفسه حساب، الدنيا بتدوس عليه... وإن الطيبة لما بتزيد عن حدها بتبقى سذاجة وغباء. بعدها بيومين... وصل جوزي من المطار. دخل البيت القديم، راجل عجوز مهدود الحيل، الشيب مالي راسه، وكتفه مايل كأنه شايل هموم الدنيا كلها.