التورته الي باظت

ورقة تحت الباب مكتوب فيها أنا آسفة مكنتش أقصد كنت جعانة وتوترت ومرة بعتت ابنها يقولي ماما بتقولك سامحيها دي ست كبيرة ولوحدها أنا مردتش على ولا مرة مش عشان أنا قلبى أسود عشان كنت مستنية بنتي هي اللي تقرر في يوم الجمعة بنتي قالتلي ماما أنا عايزة أروح أقول لطنط إني زعلانة منها قلتلها تروحي قالتلي آه بس تيجي معايا خدتها من إيدها وروحنا خبطنا على بابها فتحت الباب وكانت لابسة جلابية وشكلها تعبان

أول ما شافتنا اتفاجأت قالت اتفضلوا دخلنا الصالة اللي ريحتها أكل قديم بنتي وقفت قدامها وقالت طنط أنا زعلت أوي يوم عيد ميلادي لما لقيتي واكلة وشي من التورتة أنا كنت مستنية التورتة دي من 3 أسابيع وكنت عايزة أوريها لصحابي جارتنا عينيها دمعت قالت يا حبيبتي والله ما كنت أقصد أنا عندي مشكلة من زمان لما بتوتر بجوع وباكل أي حاجة قدامي حتى لو مش بتاعتي بنتي قالت طب انتي ليه مكلتيش من الرف

اللي فوق أو اللي تحت ليه قطعتي من وشي بالذات سكتت قالت مش عارفة أنا شفت الحتة اللي في النص شكلها أحلى فقطعت منها بنتي قالت يعني عشان شكلها أحلى بوظتيها الجملة خلت جارتنا ټعيط بجد قالت عندك حق يا حبيبتي أنا أنانية أنا بقالي 6 سنين باكل من عندكم ببلاش وعمري ما فكرت أجيبلكم حاجة ولا أشكركم بجد كنت بفكر في بطني بس قلتلها بصي احنا مش جايين نتخانق احنا جايين نقول إن اللي

حصل زعلنا بس بنتي عايزة تسامحك بطريقتها بنتي طلعت من جيبها حتة من البازل اللي كانت مركباه حتة على شكل قلب قالت لطنط خدي دي كنت مركباها في البازل بتاعي بس هديهالك عشان تفتكري إنك لما تاكلي حاجة مش بتاعتك بتقطعي حتة من قلب حد جارتنا خدت الحتة وفضلت ټعيط قالت أنا عمري ما حد علمني كده أهلي كانوا بيسيبوني آكل أي حاجة في أي بيت أدخله فافتكرت إن ده عادي قلتلها لا مش عادي

الطيبة مش معناها إن بيتك مفتوح 24 ساعة تاكلي اللي انتي عايزاه الطيبة معناها إنك تحترمي حدود البيت اللي فتحلك بابه قالت عندك حق وبعدين قالت لبنتي تحبي أعملك تورتة تانية على حسابي أطلبلك واحدة أحلى من اللي باظت ووشك عليها تاني بنتي بصتلي قلتلها القرار قرارك بنتي قالت لا يا طنط أنا مش عايزة تورتة تانية أنا عايزة لما أبقى جعانة آكل من غير ما أبص على الرف بتاع حد جارتنا ضحكت وهي بټعيط

وقالت حاضر يا حبيبتي مشينا بعدها بشهرين حصلت حاجة غريبة جارتنا خبطت على بابنا ومعاها صينية كبيرة متغطية فتحت لقيتها عاملة صينية مكرونة بشاميل كبيرة وقالت دي ليكم أنا اللي عاملاها بإيدي أول مرة أطبخ لحد من 6 سنين قلتلها شكرا قالت وعايزة أقول حاجة أنا روحت لدكتور وقالي عندي اضطراب أكل عاطفي لما بتوتر بجوع وباكل من غير ما أفكر وبدأت أتعالج قلتلها برافو إنك روحتي قالت وبطلت أدخل مطبخ حد من غير ما