التورته الي باظت

عشان كنت فاكرة إنك بتحترمي بيتي طلعتي بتحترمي الأكل بس قالت على فكرة انتي اللي غلطانة انتي اللي سيبتي تورتة غالية في تلاجة واحدة جعانة قلت لها أنا قلتلك بالنص متجيش جنب الرف ده ولو كنتي جعانة كنتي كلمتيني كنت هطلبلك أكل لحد عندك بس انتي اختارتي الأسهل تقطعي وش طفلة خدت البازل وخرجت من المطبخ وهي بتبرطم أول ما خرجت قفلت باب المطبخ ورحت لبنتي قلت لها تعالي نعمل حاجة مچنونة جبنا طبق كبير

وقطعنا التورتة كلها حت صغيرة وشيلنا الحتة اللي فيها الوش المقطوع خالص وجبنا كريم شانتيه من السوبر ماركت اللي جنبنا بسرعة وغطينا الوش كله بكريمة بيضا وكتبنا عليها بالشوكولاتة عيد ميلاد سعيد يا أحلى بنت في الدنيا وحطينا الشمع وطلعنا الجنينة وال طفل واقفين أول ما شافوا التورتة الجديدة سقفوا وقالوا الله بنتي ضحكت لأول مرة من الصبح وغنينا وطفينا الشمع وكلنا التورتة وهي متغطية بالكريمة محدش خد باله إن وشها كان مقطوع غيري أنا

وهي بعد الحفلة ما خلصت والعيال مشيوا بنتي جت حضنتني وقالت ماما انا انبسطت أوي النهاردة حتى من غير وشي على التورتة قلت لها عشان عيد الميلاد مش بالتورتة عيد الميلاد بالناس اللي بتحبك بجد ومن ساعتها جارتي مبقتش تدخل بيتي بطلت أقول لحد المطبخ بتاعك خدي اللي انتي عايزاه بقيت أقول المطبخ فيه أكل بس الرف اللي في النص بتاع بنتي محدش يقربله وبنتي لما كبرت شوية فهمت حاجة مهمة إن في ناس هتاكل

من خيرك سنين وتنسى أول ما تجوع إنها تحترم أغلى حاجة عندك وإن الطيبة لازم يبقى ليها حدود حتى لو الحد ده رف في تلاجة بعد ما الحفلة خلصت وكل العيال روحت بنتي دخلت أوضتها وقعدت لوحدها شوية دخلت وراها لقيتها قاعدة على السرير ومسكة البازل اللي جارتنا سابته على الرخامة ومشيت قالتلي ماما هو البازل ده بتاعها ولا بتاعي قلتلها بتاعك هي كانت جايباهولك هدية بس لما اتخانقنا سابته ومشيت قالتلي طب أفتحه ولا

أرميه قلتلها افتحيه يا حبيبتي الهدية ملهاش ذنب حتى لو اللي جايبها غلط فتحته وقعدت تركب فيه وهي بتركب قالتلي ماما هو انتي زعلانة مني عشان عيطت لما شفت التورتة قلتلها لا يا حبيبتي أنا زعلانة عشان انتي كان نفسك في حاجة وباظت قالتلي بس انتي قولتيلي عيد الميلاد مش بالتورتة قلتلها آه بس من حقك تزعلي برضه الزعل مش عيب قالتلي طب هي طنط هترجع تاني تاخد بالها من الكلب قلتلها لا خلاص مش

هترجع قالتلي ليه احنا كنا بنحبها قلتلها ساعات بنحب ناس بس لما بيغلطوا غلطة كبيرة في حقنا لازم نبعدهم عشان نحافظ على نفسنا قالتلي يعني زي ما هي قطعت وشي من التورتة احنا هنقطعها من حياتنا الجملة خبطت في دماغي طفلة عندها تسع سنين فهمت اللي ست كبيرة عندها ستين سنة مفهمتوش قلتلها بالظبط كده يا حبيبتي عدى أسبوع الأسبوع ده جارتنا حاولت تكلمني 3 مرات مرة خبطت على الباب وقالت عايزة أعتذر مرة سابت