صحوة بعد فوات الأوان ج 1 حكـايات مني السيد حصري

أصل نورهان يا طارق من ساعة ما نزلنا السوق وهي قالبالي وشها وبتتأفف، كأننا شاحتين منها! وأنا سكت ومردتش أرضى أقولك عشان البيت ميتخربش. حسيت الدنيا بتلف بيّا، التلاتة واقفين قصادي، دايرة من الظلــ,,ـــــم مقفولة عليا، ومفيش حد فيهم عايز يسمع كلمة حق واحدة. بصيت لطارق جوزي وسندي اللي اتغربت عشانه وسيبت بيت أهلي عشان أبني معاه حياة، لقيته باصصلي باحتقار.

. النظرة دي كسرت ضلوعي من جوة أكتر من قلة النوم والپهدلة. قلتله وأنا بمسح دموعي اللي مغرقة وشي يعني إنت مصدقهم ومكذبني أنا يا طارق؟ مصدق إني أقول لأمك كده؟ ده أنا عمري ما عليت صوتي في البيت ده، ده أنا طول الأسبوع في خدمتها وخدمة بنتها! طارق بص لأمه وقالها بجمود حقك عليا يا أمي، راسك أبوسها.. وحقك هيجيلك تالت ومتلت دلوقتي.

لف وشه ناحيتي، وشاور على باب الشقة وقال ببرود جمد الډم في عروقي اطلعي على فوق يا نورهان.. اطلعي شقتك ومتنزليش منها، ورجلك متخطفش عتبة شقة أمي تاني لحد ما تشوفي إنتِ غلطتي في إيه وتيجي تبوسي إيدها ورجلها عشان ترضى عنك! حماتي بصتلي بابتسامة خبيثة من ورا ضهر طارق، ابتسامة انتصار حسستني بالړعب من الست دي وجبروتها.

أخته وقفت جنبها بتلعب في خصلات شعرها وبتبصلي پشماتة واضحة. مردتش.. مقدرتش أنطق بولا كلمة تانية. سحبت رجلي وطلعت درجات السلم بالعافية، كل خطوة كانت كأنها جبل فوق كتافي. دخلت شقتي وقفلت الباب ورايا بالمفتاح، ورميت نفسي على الأرض ورا الباب واڼفجرت في العياط. العياط اللي كان محپوس جوة صدـ,,ـــري من شهور طويلة من الاستحمال والسكوت والتنازلات.

أنا اتجوزت طارق عن حب، كنت فاكرة إني بدخل عيلة هتحــ,,ـــــضني وتعوضني، لكن من أول يوم واكتشفت إن حماتي شايفة الجوازة دي عبارة عن شغالة جديدة جت تخدم البيت الكبير، وأي حق ليا في الراحة أو الكرامة بيعتبروه قلة أدب وتمرّد. فضلت قاعدة على الأرض لحد ما دموعي نشفت، والساعة عدت اتنين الظهر.

فجأة سمعت صوت طالع من المنور، صوت حماتي وهي بتكلم جارتها أم محمد في البلكونة اللي تحت، وصوتها كان واصل عندي بوضوح تام لأن شباك الحمام كان مفتوح. حماتي كانت بتقول بنبرة كلها غل أيوة يا ختي، طردتها فوق، قسماً بالله ما هسيبها تتهنى معاه في الشقة دي.

. أنا عاملاها قرصة ودن صغيرة، والتقيل لسه جاي ورا.. ده أنا مجهّزالها مفاجأة هتخلي طارق يرميلها ورقة طلاقها برجله قبل ما المغرب يدّن النهاردة! قومت وقفت على حيلي بسرعة، قلبي دق پعنــ,,ـــــف زي الطبول.. مفاجأة إيه اللي مجهزاها؟! وإيه اللي ناوية تعمله عشان تخليه يطلقني النهاردة؟!