صحوة بعد فوات الأوان ج 1 حكـايات مني السيد حصري

حكايات مني السيد حصري الفصل الأول صحيت يوم الجمعة من الساعة ٦ ونص الصبح عشان أجيب طلبات المحشي مع أخت جوزي، ولما رجعت تعبانة ونمت ساعة، حماتي قررت تطردني من بيتها! يا ترى إيه اللي يخلي واحدة تعمل كل ده عشان ساعة نوم؟ أنا هحكيلكم اللي حصل معايا من البداية، وإنتوا احكموا بنفسكم.

يوم الجمعة بالنسبالي كان اليوم الوحيد اللي بستناه من أول الأسبوع، عشان أقدر أنام براحتي وأعوّض شوية من التعب والإرهاق اللي بعيش فيهم طول الأسبوع. لكن الجمعة دي، حتى النوم اتحرمت منه! كنت سهرانة طول الليل، ونايمة بالعافية، وفجأة الساعة ستة ونص الصبح لقيت جرس الباب بيرن بشكل متواصل. قومت من السر,,ـــــير بالعافية، وفتحت الباب، لقيت أخت جوزي واقفة قدامي، وبتقولي بحماس يلا يا حبيبتي، البسي بسرعة عشان ننزل السوق نجيب طلبات المحشي، ماما عايزة نعمل محشي النهارده.

بصيتلها وأنا لسه مش فايقة من النوم، وقلتلها دلوقتي؟! يا بنتي ده لسه الساعة ستة ونص، ما نستنى شوية؟ ردت عليّا بسرعة نستنى إيه بس؟ ده يوم المحشي طويل، هنجيب الكرنب والكوسة والباذنجان، ولسه هنرجع نقطّع الكرنب ونسلقه، ونقوّر الكوسة والباذنجان، ونعمل الخلطة ونحشي ونطبخ! مقدرتش أرفض، فقومت صليت ولبست ونزلت معاها السوق. فضلنا نلف ونشتري الطلبات، ولما رجعنا البيت كانت الساعة تسعة الصبح.

كنت حاسة إن رجلي مش شيلاني، ودماغي بتوجعني، وجسمي كله مهدود من قلة النوم والتعب. دخلت على حماتي وقلتلها بأدب معلش يا ماما، أنا تعبانة أوي وعندي صداع، هطلع أنام ساعة واحدة بس، وأظبط المنبه وأنزل أساعدكم. بصتلي بضيق وقالت طول الليل نايمة، ولسه عايزة تنامي تاني؟! ما تزهقيش من النوم شوية، وبعد الغدا ابقي نامي براحتك!

اتضايقت من كلامها، لكني حاولت أعدّي الموقف من غير مشاكل، وقلتلها والله يا ماما أنا مش قادرة، بس هنام ساعة وأنزل أكمل كل حاجة. قالتلي بحدة ادخلي المطبخ شوفي اللي وراكي بدل الكلام الكتير ده. دخلت المطبخ وبدأت أجهز الخضار، وكنت متوقعة إن بنتها هتكون معايا وتساعدني، خصوصًا إنها هي اللي صحّتني من الفجر عشان ننزل نشتري الطلبات. لكن لما دورت عليها ملقتهاش.

طلعت أدور عليها، ولما دخلت أوضة النوم لقيتها قاعدة على السر,,ـــــير بتكلم جوزها في التليفون، وبعدها راحت نامت وسابتني لوحدي! وقفت أبصلها وأنا مش مصدقة، وقلتلها إنتِ هنا؟! طب ما تنزلي تساعديني بدل ما أنا واقفة لوحدي في المطبخ! ردت عليّا بضيق هو أنا مش من حقي أرتاح شوية؟! بصيتلها باستغراب وقلتلها أومال أنا لما قلت إني عايزة أنام ساعة، ليه ماما اتضايقت؟ مش إنتِ كمان كنتِ معايا في السوق من الصبح؟

قبل ما ترد، لقيت حماتي داخلة الأوضة وبتبصلي پغضب. قالتلي إنتِ جاية تعملي مشاكل في بيتي؟! خليكي في نفسك وبطلي الكلام ده! حاولت أشرح لها إني مش قصدي أعمل مشاكل، وإن كل اللي طالبهصحوة بعد فوات الأوان ج 1 حكـايات مني السيد حصري موقع أيام تريندز إني أرتاح ساعة واحدة عشان أقدر أكمل شغل. لكنها قالتلي خلاص، اطلعي نامي، وأنا هساعد بنتي في المطبخ!