شهادة حق ج 2 حكـايات مني السيد حصري

وسمر اعترفت قدام أمي وقدام الجيران كلهم في مدخل العمارة وغسلت شرف منــ,,ـــــار ووقفت الكل عند حده، وأمي لسانها انخرس وملهاش عين تنطق بحرف تاني. عصام اتصدم. عينيه وسعت وهو بيبص بيني وبين تامر وبين منــ,,ـــــار، فضل باصص لفراغ الأوضة لثواني طويلة كأن عقله بيعيد شريط اليوم كله القلم اللي ضــ,,ـــــربه لمنــ,,ـــــار... صريخ العيال... كلام أمه المسموم... المعايرة اللي اتقالتله في القهوة من راجل غلس وخناقته اللي كانت هتضيع عمره.

.. كل ده، عشان قطة وسكوت غبي! نزلت دموع نادرة من عين الراجل القاسي ده، بص لمنــ,,ـــــار اللي كانت واقفة تبكي جنبه، ومد إيده التانية ومسك كفوفها بقوة، وقال بصوت مخنوق بالندم حقك عليا يا أم يوسف... حقك عليا يا بت الناس، الشيطان كان شاطر والعمى ركبني، مديت إيدي على لحمي وعرضي وظلــ,,ـــــمتك. منــ,,ـــــار مسحت دموعه بطرف طرحتها وابتسمت وسط البكا مسامحاك يا عصام...

مسامحاك عشان خاطر العيال وعشان خاطر العشرة، بس عهد بيني وبينك قدام أخوك ومراته، كرامتي متهنش تاني في البيت ده، والكلمة متطلعش من بؤنا إلا بالحق. عصام هز راسه بتعب ورضا عهد الله يا منــ,,ـــــار... واليمين اللي قولته ده كان غضب باطل، وبكرة الصبح هجيب شيخ يفتي ونرد بعض رسمي قدام الكل. أنا وقفت في زاوية الأوضة، دموعي بتنزل بصمت.

كنت حاسة بجرح عميق من كل اللي حصل، بس في نفس الوقت اتعلمت الدرس اللي هيكفيني لآخر يوم في عمري. الخوف من الناس بيصنع مصايب أكبر بكتير من الغلطة نفسها. والسكوت على الظلــ,,ـــــم مش حكمة ولا أدب، ده خيانة بتخرب بيوت وتدمر أرواح. قربت من السر,,ـــــير وبصيت لعصام ومنــ,,ـــــار، وقولت بصوت واطي ومخلص سامحوني... والله العظيم اتعلمت، وعمري ما هسكت على حق تاني لو كان على رقبتي.

منــ,,ـــــار بصتلي وهزت راسها بنظرة فيها تسامح مخلوط بذكريات اليوم الصعب، وقالت المسامح كريم يا سمر... المهم إننا اتعلمنا إن البيت اللي مبيتبناش على الصراحة والوضوح، شوية هوا يطيروه... وشوية سمك يهدوا أركانه. خرجنا من المستشفى مع خيوط الفجر الأولى، كانت شمس يوم جديد بتطلع على الحارة، شمس نورت العمارة من أول وجديد، بس المرة دي كل واحد فينا كان عارف مقامه، والحق رجع لأصحابه بعد ليلة كانت هتكون الأطول والأقسى في حياتنا كلنا. النهاية