لكن المشكلة إن أبوها بدأ يضغط عليها. قال لها تطلقي وتتجوزي وتسيبي العيال لأبوهم. ولما سمعت الكلام ده، انهارت. قالت أسيب ولادي؟! أنا أعيش إزاي من غيرهم؟ أنا قلبي اتقطع عليها. وفي وسط كل ده، بدأت تدعي على ابني في كل صلاة. وأنا بقيت مرعوبة. مش عشان خايفة عليه من دعائها بس… أنا خايفة من وجعها نفسه. خايفة يكون الظلــ,,ـــــم اللي حصل لها أكبر من قدرتها على التحمل.
وخايفة أكتر على الأربع أطفال اللي ذنبهم إيه؟ لكن اللي محدش كان يعرفه… إن قبل ما مراته تقدم رسمي على الطلاق بأيام، وصلني اتصال من رقم غريب. اللي اتصل كان شخصًا من الإمارات. وقال لي أنا لازم أحكي لك حاجة عن ابنك… حاجة لو عرفتها، هتغيري رأيك في كل اللي حصل. سكتُّ وأنا مش قادرة أتنفس. وقلت له إنت مين؟ قال أنا واحد كان قريب من ابنك هناك… وشوفت بعيني حاجة حصلت قبل جوازه التاني.
قلت له حاجة إيه؟ فقال جملة خلت إيدي ترتعش… ابنك ما اتجوزش الست دي من نفسه… وسكت. قلت له يعني إيه؟! قال الست اللي اتجوزها كانت سبب في حاجة حصلت له من سنين… ومراته الأولى لازم تعرف الحقيقة قبل ما تطلق. أنا مش عارفة الحقيقة دي هتنقذ بيت ابني ولا هتكون آخر مسمار في نعشه… لكن اللي عرفته بعدها كان أخطر بكتير مما توقعت.
يتبع… لو شايفين إن الست دي تستحق حد يقف جنبها، قولولي رأيكم هل تطلب الطلاق وتبدأ حياتها من جديد، ولا تصبر عشان أولادها؟ اكتبوا رأيكم في التعليقات ومتنسوش تصلوا على النبي ﷺ. حكاوي_شيمو يتبع لما الراجل اللي كلمني من الإمارات قال لي ابنك ما اتجوزش الست دي من نفسه… حسيت إن قلبي هيقف. قلت له طب اتجوزها ليه؟ وإيه اللي حصل قبل الجواز؟
سكت شوية، وبعدها قال أنا مش عايز أظلــ,,ـــــم ابنك، بس لازم تعرفي إن فيه حاجة هو مخبيها عنكم من سنين. قلت له بعصبية إنت عايز تقول إيه؟ ابني غلطان في حق مراته، دي حاجة إحنا كلنا عارفينها… بس متدخلنيش في كلام من غير دليل. قال الدليل موجود… وأنا هبعته لك. وبعدها قفل. فضلت قاعدة مكاني وأنا مش عارفة أعمل إيه. وبعد حوالي عشر دقايق، موبايلي رن.
كانت رسالة فيها صور ومستندات. فتحت أول صورة… ولما شفتها، إيدي بدأت تترعش. كان فيها اسم ابني، ومعاه تحويلات مالية بمبالغ كبيرة جدًا، رايحة لأسرة الست اللي اتجوزها في الإمارات. والأغرب من كده إن التحويلات كانت بدأت قبل الجواز بسنتين! قلت لنفسي يعني كان بيصرف عليها قبل ما يتجوزها؟ لكن المفاجأة الأكبر كانت في الورقة اللي بعدها.
كان مكتوب فيها إن الست دي كانت متزوجة من رجل آخر، وإن زوجها توفى، وإن ابني كان من ضمن الناس اللي وقفوا جنبها وساعدوها هي وأولادها. يعني الموضوع ما بدأش بجواز سري… الموضوع بدأ بحكاية تانية خالص. لكن ليه خبّى كل ده؟ وليه كان بيقول لمراته الأولى إن فلوسه كلها للبيت والأولاد؟
وليه اتجوز من غير ما يقول لها؟ أنا ماقدرتش أستحمل أكتر، واتصلت بابني. رد عليا خير يا أمي؟ قلت له إنت كنت بتبعت فلوس لمراتك التانية قبل ما تتجوزها؟ سكت. قلت رد عليا يا ابني! قال بصوت هادي أيوه. صرخت فيه وليه؟! قال كانت محتاجة. قلت ومراتك هنا كانت محتاجة ومش بتطلب منك! كانت بتربي أربع عيال لوحدها، وبتحوش فلوسك، وبتقول إنك متغرب عشانهم! قال أنا ماقصرتش معاها. قلت له أمال عملت إيه؟
سكت فترة طويلة. وبعدين قال أنا غلطت يا أمي… بس الموضوع أكبر مما إنتِ فاهمة. قلت طب فهمني. قال أنا لما اتعرفت على الست دي، ماكنتش ناوي أتجوزها. كنت بساعدها بس. وبعد فترة حصلت ظروف خلتني أتعلق بيها، ولما اتجوزتها كنت خايف أقول لمراتي. قلت خايف؟! ضحكت من شدة القهر وقلت خايف عليها؟ ولا خايف من رد فعلها؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.