ناهيك عن عقد الإيجار الباطل لأن الأم بصفتها الوصية لم توقع بنفسها على استلام المبالغ المكتوبة في العقد!الضابط وجه كلامه لأبويا ومرات أبويا وقال بوضوح:— قدامكم حل من اثنين.. إما تسلموا كارت المعاش القديم فوراً وتعملوا إقرار بعدم التعرض ليها ولعيالها ولشقتها، وأخو مرتك يخلي الشقة بكرة الصباح ويسلم المفاتيح في القسم.. إما المحضر هيتحول للنيابة بتهمة تبديد أموال قصر وعدم تسليم ممتلكات، وأنتوا عارفين النيابة بتتعامل إزاي مع أموال القصر!
مرات أبويا اتجننت وبقت تصرخ:— الشقة مش هتفضى! أخويا دافع ومستقر وفاتح بيت!الضابط ضــ,,ـــــرب على المكتب بقوة وقال:— اتكلمي بأدب هنا! أخوكي قاعد في ملك غيره وبنود العقد باطلة، ولو ما سلمش الشقة بكرة هيخرج بالقوة الجبرية وهيتحبس معاكوا! أبويا لما حس إن الموضوع دخل في حبس ونيابة وسمعة، وشه جاب ألوان، وبص لمراته بغيظ وقايلها:— اسكتي أنتِ خالص!
وبعدين بص للضابط وقاله بصوت مكسور:— خلاص يا بيه.. اللي تشوفوه هنعمله، الشقة تتسلم بكرة، وأنا مش هتعرض لبنتي تاني. طلعت من القسم وفي إيدي إقرار رسمي بعدم التعرض، وميعاد استلام مفاتيح الشقة تاني يوم في مركز الشرطة. طول الليل ما عرفتش أنام، قضيته في بيت فاطمة وأنا حاضنة عيالي. كنت حاسة إن الكابوس قرب ينتهي، بس جوايا خوف من الغدر.
أخو مرات أبويا كان راجل مش سهل، وكنت عارفة إنهم مش هيسيبوني أخرج بسهولة من تحت إيديهم بعد ما قطعتا عنهم شريان الفلوس اللي كانوا عايشين عليه. تاني يوم الصبح، اتجمعنا في القسم. أخو مرات أبويا حضر، وكان باين عليه الغضب والشر، رمى المفاتيح على المكتب وقال بغل وهو بيبصلي:— الشقة فضيت وأغراضك فيها زاي ما هي، بس افتكري إنك بعتي أهلك عشان قرشين، وما حدش هينفعك لما تقعي!
رديت عليه بصلابة لأول مرة في حياتي:— أنا مابعتش أهلي.. أهلي هما اللي باعوني واستغلوا يتمي وضعفي بعد مــ,,ـــــوت جوزي. والقرشين دول حق أيتام ربنا حرم أكلهم!أخدت المفاتيح من المأمور، وطلعت مع فاطمة واثنين من أمناء الشرطة لتنفيذ استلام الشقة وتأمينها. وصلنا الشارع اللي فيه شقتي.. الشارع اللي غبت عنه سنتين كامليين. طلعت السلم وقلبي بيدق بجنون، حطيت المفتاح في الباب وفتحت.
.لكن أول ما دخلت ورجلي عتبت الصالة، اتصدمت من اللي شفته!الشقة كانت مقلوبة رأسًا على عقب، العفش مكسر، الستائر متقطعة، والأجهزة الكهربائية اللي جوزي الله يرحمه اشتراها بدم قلبه مش موجودة! الشقة كانت شبة خاوية ومتبهدلة كأنها اتعرضت للانتقام والتخريب العمدي!وقفت في نص الصالة والدموع اتجمدت في عيني من البشاعة.. وفي اللحظة دي، جالي اتصال على الموبايل من رقم غريب.
رديت وأنا إيدي بترتعش، فسمعت صوت مرات أبويا وهي بتضحك بتهكم وشر، وتقول بكل شفاءة:— مبروك عليكِ الشقة الفاضية يا حلوة! فاكرة إنك كسبتي المعركة؟ دي مجرد البداية.. العفش والأجهزة دي حق إقامتك وأكلك أنتِ وعيالك سنتين عندي، وريني بقى هتقعدي فيها إزاي من غير سر,,ـــــير تنامي عليه ولا قرش ينفعك، دا غير المفاجأة الكبيرة اللي سايبهالك أبوكي في المحكمة بكرة!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.