اهلي واهله

ومخرجش منها ولما حضرت السفره انا واخواتى البنات لقيت امه واخته واخوه وحمايا طبوا علينا وطبعا هو كلمهم ولما دخلوا الشقه خرج من الاوضه وقعد معاهم

وانا اهلى لاحظوا وكانت ليله ما يعلم بيها الا ربنا لان حم,,اتى شدت مع اختى الكبيره وانا شديت مع اخته واللى كنت خـ,ـايفه منه حصل واهلى مشيوا ومأكلوش حتى وهما قعدو ياكلوا وخلصوا ع السفره والاكل كله فانا سبتهم ودخلت اوضه النوم اعيط ع الليله اللى باظت وكان نفسى اهلى يقعدوا ويفرحوا بيا بس هما ضايقونى بجد وخربوا عليا فرحتى باهلى اللى جايين من مشوار ساعتين حتى ما شربوا حاجه وهو بالنسبه ليهم عادى روحت

من غيظى طلعت وطـ,ـردتهم وهو بيقولى اتلمى دول اهلى قولتلو اصرف عليهم من جيبك الاكل ده كله من فلوسى ومالى لما هما اهلك كان واقفوا جانبك

بدل ما اتبهدل فى الشغل وانا حامل قام مد ايده عليه لأول مره من يوم ما اتجوزنا ومن كتر الضر. ب نز. ل عليا د. م قومت جريت على المستشفى وكنت بطولى ولما سألونى قولت ان جوزى ضر. بنى وعملت محضر ضده وهو عرف بكده ودلوقتى واقفين ع الطـ,ـلاق يا اتنازل عن المحضر بس انا اخترت الطـ,ـلاق وكل الناس بتقولى عيشى واتنازلى وانا روحت بيت اهلى ومش هرجعلوا هو انا بجد غلطانه عاوزه اعرف ارجع واتنازل عن المحضر ولا اطـ,ـلق واخد حقى وميشفش طرفى تانى حسبى الله ونعم الوكيل فيه اسفه طولت عليكم