اهلي واهله

#مشكله
كنت عامله عزومه لأهلى ولأول مره يتعزموا عندى بعد جوازى بسنه وعملت بط ولحمه ومحاشى ومكرونه بالباشميل ورقاق وملوخيه واشتريت حلويات شرقيه وتورته لان كان يومها عيد جوازى

واليوم ده ومن قبلها بيومين بجهز فالاكل وتعبانه لانى حامل فى السادس وقاعده لوحدى وفوق كل ده بشتغل وبرجع على أخرى من التعب فى الشغل واخدت اجازه من الشغل ومن اول اليوم تعبانه وكانت ماما بتكلمنى وهى جايه فى الطريق لأنها ساكنه فى محافظه تانيه وبتقولى وبتسألنى انى عاوزه اى حاجه وبتقولى انها اشترت فواكه واخواتى البنات وازواجهم وبابا شارين جاتوهات وهدايا لينا وعلشان مطولش عليكم لقيت جوزى بيقولى هو انتى عامله حافله فرديت وقولتلوا

اه ما انت عارف ان النهارده عيد جوازنا وانا عامله مفجأه رد وقالى بشخط وبصوت عالى انتى عازمه اهلك وعامله وليمه وازاى متعزميش اهلى قولتله ان

اهلك بعدنا بشارع وكل يوم والتانى عندنا وانا قبلها بيومين كنت عازماهم عندنا وعامله اكل بردك كتير واصلا يا بنات انا عامله الاكل ده من جيبى الخاص علشان ميقولش صرف ع اهلى وقعد يقولى ده عيد جوازنا اعزمهم بس انا رفضت لأنهم ناس حرابيق والله وبتوع مشاكل واصلا أخته مش بطيقنى رغم انى بحاول اعاملها كويس بس هى لأ وحم,,اتى صعب جدا المهم سكت ولما اهلى وصلوا قابلهم وحش جدا وبقله ذوق ودخل اوضه النوم