قضية رأي عام الحضانة ج ٢حكـايات مني السيد حصري

أنا جاهزة يا باشا، مش هسيب حق بنتي ولا حق العيال دي دقيقة واحدة. ركبت عربية معتز، ومعايا إيمان وسمر. طول الطريق لمبنى مجمع محاكم المعادي، التليفونات مكنتش بتبطل. ناس ميعرفونيش بيبعتوا رسايل دعم، محامين كبار بيعرضوا يتطوعوا في القضية ببلاش، وقنوات فضائية وبرامج التوك شو بتطلب داخلات عاجلة. بس أنا مكنش في بالي غير حاجة واحدة بنتي كارما، واللي عملوه فيها. وصلنا النيابة، الدور الرابع كان مقلوب.

حراسة مشددة، عساكر أمن مركزي واقفين على طول الممر، وصحفيين مالين الطرقة بيحاولوا ياخدوا أي لقطة. دخلت أوضة التحقيق عند وكيل النيابة، كان راجل شاب وقور، وشه جاد جداً وقدامه ملفات وأحراز الحضانة محطوطة على الترابيزة في أكياس بلاستيك شفافة ومختومة بالشمع الأحمر. اتفضلي يا مدام دينا، اقعدي واهدي خالص، واحكي لي من أول ما لاحظتي أي حاجة غريبة على بنتك. قعدت، وأخدت نَفَس عميق وبدأت أحكي.

مسبتش تفصيلة واحدة نوم كارما التقيل، شكوك طارق وحركته المعتادة بفرك ودنه، الكاميرا اللي زرعتها في الدبدوب، الفيديو اللي بيوثق إجبار بنتي على شرب العصير بالسم، الدفتر اللي لقيناه في المطبخ، والتحليل الطبي الصادر من معمل السمۏم بمستشفى الأطفال الجامعي. حطيت الفلاشة اللي عليها الفيديوهات والتقرير الطبي الأصلي على مكتب وكيل النيابة.

وكيل النيابة كان بيسمع وهو بيجز على سنانه، وعينيه بتتحول لڠضب مكتوم مع كل كلمة ومع كل ثانية في الفيديو اللي اتعرض قدامه على شاشة اللاب توب. لما شاف مشهد طارق وهو ماسك كتف بنته ومروة بتحشر الكوباية في بؤها وهي بتكح وټعيط، قفل اللاب توب بقوة وضړب بكفه على المكتب دي مش جناية إهمال...

دي خېانة أمانة عظمى، وتسميم عمدي، وإتجار في مواد مخدرة مخصصة للمستشفيات النفسية، واستخدامها في ارتكاب جناية ضد قُصّر لا يملكون من أمرهم شيئاً! التحقيق استمر أكتر من تمن ساعات متواصلة. بعد ما خلصت أقوالي، تم استدعاء مروة وطارق واحد ورا التاني في غرف منفصلة للمواجهة. مروة في الأول حاولت تنكر وتقول أنا مكنتش بدي دوا مخدر، ده فيتامين ومكمل غذائي عشان يهديهم شوية لأنهم بيعانوا من فرط حركة وأهاليهم مش عارفين يربوهم!

. لكن وكيل النيابة واجهها بتقرير معمل السمۏم الشرعي اللي فحص محتويات شفشق العصير والمادة المترسبة في الدبدوب والكوبايات، وواجهها بدفتر حساباتها وسجل الجرعات المكتوب بخط إيدها فرط حركة إيه يا متهمة؟! ده دوا فصام واضطراب ذهاني حاد جدول أول! انتِ بتصرفي الروشتات دي منين؟ ومين اللي بيوردلك العلب دي بالكرتونة زي ما بتقولي لأخوكي في الفيديو؟! هنا بدأت خيوط الشبكة القڈرة تتكشف.

مروة، بعد ما حست إن الحبل بيلف حوالين رقبتها، اڼهارت وبدأت تعترف على كل شركائها عشان تخفف الحمل عن نفسها دكتور رمزي... صيدلي عنده صيدليتين كبار في المقطم، هو اللي كان بيوفر لي الدوا ده من تحت الترابيزة مقابل نسبة من اشتراكات الأطفال الشهرية، وكان بيزور روشتات بأسماء مرضى متوفيين ومقيدين في مستشفيات عشان يقدر يسحب الكميات دي من شركات الأدوية!