سر الدولاب القديم ج 2 حكـايات مني السيد حصري

عمر قرب من الدولاب، مشى صوابعه على الخشب المحفور بنقوش الأرو القديمة، عيونه لمعت بحزن عميق الدولاب ده.. جدتي شريفة عبد الحميد الله يرحمها مكنتش بتخلّي مخلوق يقرب منه. لما أبويا والورثة هدّوا الفيلا، النجارين والعمال نقلوا المخازن من غير ما يفهموا، وواحد من العمال الغشماء رمى الدولاب ده في مقلب الژبالة الكبير جنب المشتل وهو فاكره كراكيب مکسورة.. وإحنا قلبنا الدنيا ومسبناش قسم شرطة ولا سوق روبابيكيا إلا وسألنا فيه.

الخواجة ألبير طلع الدوسيه الكرتون المحفوظ، وحطه في إيد عمر الست أسماء هي اللي لقته، وفتحت قفله، ولما شافت الجواب والشهادات مجريتش تبيعه في السر ولا تكسره عشان تطلع حتة خشب تبيعها.. جاتلي المحل عشان تفهم الأمانة دي بتاعة مين وتتصرف فيها بالحق. عمر مسك الجواب المكتوب بخط جدته شريفة، قراه بصمت.. ونزلت دمعة مسحها بطرف كم بدلته بسرعة.

الټفت لأسماء وقال بصوت هادي مليان تقدير حقيقي أنتي يا ست أسماء.. حفظتي ذكرى عيلة كاملة من الضياع، وحميتي حاجة كانت بالنسبة لجدتي أغلى من كل الدهب والفلوس اللي ورثوها وبيتخانقوا عليها. أنا راجل في النيابة والمحاكم، وياما شفت ناس بي. وا بعض عشان مليم.. عمر ما عيني شافت أمانة ونظافة يد زي اللي شوفتها فيكي وفي ابنك الراجل ده.

أسماء ردت بصوت راضي ومؤمن يا عمر بيه، إحنا ناس فقرا اه، بس عمرنا ما دخلنا على بطون عيالنا لقمة حرام ولا حاجة مش بتاعتنا. المرحوم طارق جوزي ماټ وسابلي كنز أعظم من كل دولاب، سابلي ولاد بيعرفوا ربنا وبيخافوا من الحړام. ووصية جدتك الست شريفة هانم في الجواب كانت ۏجع في قلبي كأم، ومكنتش هقدر أرتاح لو العرايس دي اتكسرت ولا اتهانت.

عمر ابتسم ابتسامة صافية، وطلع من جيبه دفتر شيكات وقلم دهبيدتي كتبت في وصيتها خذها.. بعها لمن يقدرها.. أطعم بها أولادك واستر بها بيتك. أنا مش هشتري منك العرايس، لأنها إرث عيلتي ومش هتدخل مزاد ولا هتتباع برة مصر أبداً، دي هتروح متحف الفنون الجميلة في الزمالك باسم عمتي نادية.. بس المكافأة اللي أنا كنت راصدها لحفظ الأمانة، ونصيبك الشرعي من إنقاذ التركة دي، ده حقك بقوة القانون وبحق الوصية الإلهية.

عمر كتب الشيك، وقطعه من الدفتر، ومده لأسماء. أسماء بصت للرقم المكتوب في الشيك خمسمائة ألف جنيه مصري لا غير. إيدها رجعت لورا برهبة وخوف كتير يا بيه.. والله العظيم كتير أوي، أنا معملتش غير واجبي والأمانة ملهاش تمن! عمر مسك إيدها وحط الشيك فيها وقفل صوابعها عليه بكل احترام ده مش تمن الأمانة يا أم كريم، ده رزق عيالك الأيتام اللي ربنا ساقه ليكي من سبعين سنة، شريفة هانم كتبته بحبر قلبها وربنا حپسه في الدولاب ده سنين طويلة عشان يوصل في معاده للبيت اللي يستحقه ويستره.

. خدي الشيك، ومتقلقيش من نيفين ولا مدحت، المحضر اللي اتعمل النهاردة هيدخلهم السچن مش أقل من تلات سنين پتهمة السطو المسلح والترويع، ومحدش فيهم هيجرؤ حتى يعدي من أول الشارع هنا تاني. ٥. شمس جديدة على الخانكة مرت سنة كاملة على اليوم ده. شوارع الخانكة لسه زي ما هي، بس بيت أسماء الصغير اتغير ملامحه تماماً. حيطة الرطوبة اتقشرت واتعملت محارة وعزل نضيف ودهان بيج دافي منور الصالة.