سر الدولاب القديم ج 2 حكـايات مني السيد حصري

وهما لسه بيرفعوا قايم الدولاب على صندوق العربية النص نقل، الشارع اتهز بصوت سارينات بوليس بتصرخ من بعيد، ووراها صوت كلاكسات عالية قطعت نفس الحارة. ٣. وصول الحكومة عربيتين بوكس شرطة دخلوا الحارة بسرعة چنونية وزنقوا على العربية النص نقل من قدام ومن ورا، ونزل منهم أمين شرطة وظابط برتبة رائد ومعاهم عساكر بسلاحهم الآلي، ووراهم على طول عربية مرسيدس سودا فارهة نزل منها راجل في الأربعينات، هيبته تملى العين، لابس بدلة كحلي كلاسيك وملامحه صارمة زي الصقر.

. عمر ذو الفقار. وفي اللحظة نفسها، وقفت عربية بيجو قديمة نزل منها الخواجة ألبير، ومعاه أسماء اللي نزلت تجري زي المچنونة، وكريم وراها بينادي منة!! إخواتي كويسين؟! مدحت أول ما شاف البوكس والسلاح، السنجة وقعت من إيده ورنت على الأرض، وشه اتقلب بلون الكركم ورجليه خبطت في بعضها. نيفين اتلخمت ونزلت نضارتها الشمسية تجري تستخبى ورا ضهر ابن أختها، بس العساكر كانوا أسرع؛ في لمح البصر كان مدحت والشيالين متكلبشين على كبوت العربية النص نقل.

الظابط زعق بصوت جهوري رج الحارة محدش يتحرك من مكانه! إنت فاكر نفسك فين ياض إنت وهو؟! قاطع طريق وبتهجم على بيوت الناس وبتسرق عيني عينك في وضح النهار؟! نيفين قربت بصوت مبحوح وهي بتفرك في إيديها يا باشا.. يا فندم افهمني، دي شقة ابني المرحوم، والست دي... عمر ذو الفقار قطع كلامها بخطوة واحدة وقف قدامها، نظرة واحدة منه خلت لسانها يتلجم في حلقها شقة ابنك؟

! والدولاب ده بتاع ابنك برضه يا ست إنتي؟ الدولاب ده مسروق من مخازن عائلة كمال باشا ذو الفقار في بهتيم، ومعمول بيه محضر سړقة كسر واقټحام من أسبوعين برقم رسمي في مديرية أمن القليوبية! بص للظابط وشاور على مدحت والرجالة المتكلبشين يا فندم، التشكيل العصابي ده هو اللي كسر الأقفال وهرب المحتويات، ودلوقتي متلبسين بالسړقة بالإكراه مع سبق الإصرار والترصد واستخدام أسلحة بيضاء وترويع أطفال قُصّر!

مدحت عيط والدموع سالت على وشه زي العيال الصغيرة والله العظيم ما سرقته من مخازن يا باشا! الست خالتي هي اللي شافت الدولاب مرمي في حوش مرت خالي، وقالتلي ده فيه كنز وفلوس وملايين وخشب غالي ناخده ونبيعه ونقسم مع بعض! أنا مليش دعوة بالباشوات ولا كمال باشا، دي خالتي هي اللي وزتني وسرحتني! نيفين لطمت على وشها بصوت عالي سمّع المنطقة يا قليل الأصل يا واطي! بتبعني عشان تنجد رقبتك؟

! ده إنت اللي جيبت البلطجية وقولتلي هنطلعسر الدولاب القديم ج 2 و الاخير حكـايات مني السيد حصري موقع أيام تريندز بسبوبة عمري! الظابط أشار للعساكر بنفاد صبر ارمي الكلب ده في البوكس.. والست دي كمان معاه في التخشيبة، تشكيل عصابي محترم والاعتراف سيد الأدلة قدام النيابة! أسماء كانت دخلت تجري على جوة الشقة، لقت منة حاضنة إخواتها وقاعدين في ركن بيعيطوا.

أسماء ارتمت في حــ,,ـــــضنهم والدموع نازلة من عينيها شلال، بتبوس في روسهم وإيديهم متقافوش يا حبايبي.. خلاص، ربنا نصرنا وكسر عين الظالم، محدش هيقدر يمس شعرة منكم تاني خلاص. ٤. الحقيقة في صالة الخانكة بعد ما الشرطة سحبت مدحت ونيفين والبلطجية بتوعهم في البوكس، والعربية النص نقل اتحجزت على ذمة القضية، عمر ذو الفقار والخواجة ألبير دخلوا صالة الشقة الصغيرة. كريم ساعد العساكر ورجعوا الدولاب مكانه في الحوش براحة ومن غير خدش واحد.