شهادة حق ج 1 حكـايات مني السيد حصري

! مكنش قصدك تخليني حرامية؟! مكنش قصدك تخليني اتضــ,,ـــــرب بالقلم على وشي قدام عيالي وأتهان في شرفي وأمانتي؟! إنتي عارفة يعني إيه اتقال عليا كدابة وحرامية من حماتي؟! إنتي عارفة إن عصام طلقني بيمين شفهي وهو بيزقني برا الشقة؟! طلقك؟! الكلمة طلعت مني زي الصرخة، ورفعت وشي ليها مصدومة، ضــ,,ـــــربت على صدـ,,ـــري بهستيريا طلقك يا منــ,,ـــــار؟

! لا والله العظيم، لا يا ربي، والله ما كنت متخيلة إن الموضوع يوصل لكده! والله كنت خايفة! منــ,,ـــــار مسكت كتفي الاتنين وهزتني بعنــ,,ـــــف، كانت بتترعش من الغيظ خايفة من إيه؟! انطقي! خايفة من حماتك تقول عليكي مهملة؟! خايفة تهزقك عشان سيبتي القطة تاكل السمك؟! تهون عليكي كرامتي وبيتي وعيالي عشان خايفة من كلمتين؟! عشان متتقالكيش كلمة توجعك تسيبي سكــ,,ـــــينة تتغرس في ضهري وتخرب بيتي؟

! والله العظيم القطة نزلت عليه في ثواني! فضلت أردد وأنا بتوسل لها بصوت مبحوح نسيت الولاعة ونزلت أجيبها، طلعت لقيت قطة سودة مقززة بتاكل فيهم وبتبهدلهم، اتصدمت ومسكتني الخيبة، قولت لو قولت لحماتي هتقلب الدنيا وتقول إني مهملة ومسيبة ومبعرفش أشيل مسؤولية، الشيطان عماني وقولت الباقي كتير ومحدش هيعد السمك... معرفش إنها هتنزل تعدهم بالواحدة! ولما شفتها بتزعقلك لساني اتشل، والله العظيم كنت عاوزة أنطق بس الخوف كل ريقي، الخوف شلني!

منــ,,ـــــار قامت وقفت، ورمت الكيس اللي في إيدها على الأرض، الكيس نزل بيني وبينها بحسرة خوفك ده... دبحني. خوفك الجبان ده ضيع عشرة سنين بيني وبين جوزي، خوفك ساب جوزي يفتكر إني باخد من فلوس أكلهم وأودي لأهلي! إنتي عارفة حماتك قالت إيه لعصام في ودنه وهو بيضــ,,ـــــربني؟ قالتله تلاقيها بتبعت لأمها وأخوها العاطل من ورانا! طعنتني في أصلي يا سمر!

وإنتي واقفة... باصة في الأرض زي تمثال الخشب! فضلت أبكي على الأرض وأنا بمسح دموعي بطرحتي، الذنب كان حبل مشنقة ملفوف حوالين رقبتي وبيخنقني ببطء أنا هروح دلوقتي لحماتي... هروح لعصام وأقولهم، هبوس راسهم ورجلك قدامهم كلهم، هقول الحقيقة والله العظيم، مش هسيبك تتطلقي بسببي! منــ,,ـــــار ابتسمت بسخرية مريرة، نظرة كلها يأس خلت قلبي ينقبــ,,ـــــض أكتر تروحي تقولي إيه دلوقتي؟ تروحي تقولي بعد إيه يا فالحة؟! بعد ما اتضــ,,ـــــربت؟!

بعد ما اتهنت واترمت هدومي على بسطة السلم؟! بعد ما الكل شافني خارجة بفصل عيالي والناس في الشارع كانت بتتفرج علينا وبتتساسى على فضيحتنا؟! لو روحتي دلوقتي وقولتي الكلام ده، تفتكري مين هيصدقك؟ بصيتلها برعب يعني إيه؟ مش هيصدقوني ليه والسمك في الكيس اهو؟! وطت عليا تاني، وقالت بصوت مفروم بالمرارة حماتك هتقول إنك بتستعطفي عليا وعاوزة تشيليني الليلة عشان طيبة!

هتقول إنك بتألفي قصة عشان تلمي الموضوع وخلاص! وعصام؟ عصام اللي كبريائه ملهوش حدود، تفتكري لو عرف إنه ضــ,,ـــــربني وطلقني وطردني ظلــ,,ـــــم عشان سمك أكلته قطة، هيجي يعتذرلي ويبوس راسي ويقول حقك عليا؟! الراجل ده مابيعتذرش يا سمر! الراجل ده لو عرف الحقيقة دلوقتي هيكرهني ويكرهك ويكره نفسه، وهيصر على الطلاق عشان ميطلعش عيل وغلطان قدام أمه وإخواته! إنتي متعرفيش طبيعة عيلة جوزك ولا إيه؟