! إنت فاكر إني ممكن أطلع معاك رحلة أو أدخل معاك شقة تانية بعد ما شفتك بعيني ساكت وأمك بتمسح بيا الأرض وبتقول لي داخلة بشنطة هدومك؟ طارق بلع ريقه وصوته اتحشر أنا مكنتش أقصد يا نورهان.. أنا كنت بهدي النفوس بس! لاء يا طارق.. إنت مكنتش بتهدي النفوس، إنت كنت بتستسهل. استسهلت تكسرني وتدوس عليا عشان متسمعش كلمة من ماما.
. كنت فاكر إني ملطشة وسهلة، وإن طالما بابا مـ,ـات يبقى ماليش اللي يوقفكم عند حدكم.. بس نسيت إن أبويا قبل ما يمـ,ـوت سابلي اللي يحميني من الصغيرين اللي زيكم. تيسير، اللي كانت واصلة لقمة غيظها بس متكتفة بالرعب من الورقة، رفعت صوتها المكتوم وقالت وإنتِ بقى ناوية على إيه يا بنت الأكابر؟ جاية تفرضي شروطك عليا في شقتي؟ عايزة تروحي المحاكم وترفعي قضية فرز وتجنيب؟
روحي! المحاكم حبالها طويلة وهتاخدي حقك بعد عشر سنين، وعمرك هيضيع في الرولات والجلسات! نورهان ميلت على الترابيزة وسندت دقنها على كف إيدها، وعينيها بتلمع بمكر وذكاء هادي حبالها طويلة على اللي ميعرفش يقصرها يا طنط.. بس نسيتي إن مكتبي اللي بشتغل فيه هو مكتب أعمامي؟ مكتب الهواري للمحاماة؟ نسيتي إن إقرار الأمانة ده عليه شرط جزائي واضح وصريح وصحته متسجلة، ومعاه إيصال تسليم أمانة بالمبلغ الأصلي؟
يعني ببساطة، أنا لو الورقة دي نزلت النيابة قبل صلاة الضهر، مش هندخل في فرز وتجنيب ولا مدني.. هندخل في جنحة تبديد أمانة، وحضرتك مش هتنامي في الشاليه بتاع مارينا الليلة دي، هتنامي في حتة تانية خالص مش هتعجب البرستيج بتاعك ولا لايقة على طقم النضارة اللي لابساه. تيسير رجعت خطوة لورا وخبطت في ضلفة باب المدخل، إيدها طلعت على صدرها وفضلت تنهج كأن نفسها بيتقطع إنتِ.
. إنتِ بتهدديني بالحبس يا نورهان؟! بعد ما دخلتك بيتي وعملتك زي بنتي؟! بنتك؟! نورهان نبرتها عليت سنة واحدة بس، بس كانت كفيلة تلجم الصالة كلها بنتك اللي لغيتي إقامتها عشان توفري تمن الخدمات؟! بنتك اللي دخلتيها خدامة تغسل وتكنس وتطبخ لابنك، ويوم ما تفكري تذليها تشطبي اسمها كأنها حتة زايدة ملهاش لازمة؟! لاء يا تيسير هانم.. بنتك مكنتش هترضى لها المرمطة دي، لكن إنتِ عملتي معايا كدة عشان فاكرة إني ماليش ضهر بعد مـ,ـوت أبويا.
طارق قعد على ركبه تقريباً جنب السفرة، مسك طرف إيد نورهان، بس هي سحبت إيدها فوراً بقرف ونفضتها كأن لمسها تراب نورهان، أبـ,ـوس إيدك بلاش الفضايح دي! إحنا سمعتنا في الكومباوند وفي الشغل هتروح في داهية! قولي إنتِ عايزة إيه وإحنا هنعمله.. والله العظيم هفتح الأبلكيشن حالا وأرجعك، وهسجلك مالك مش بس مقيم!
وأمي هتعتذر لك قدامي دلوقتي حالا! تيسير برقت لطارق بغل وصرخت أعتذر لمين يا ناقص؟! إنت بتطاطي لواحدة ست قدامي؟! نورهان بصت لتيسير وقالت بهدوء يقصف العمر خليه يطاطي.. ما هو طول عمره بيطاطي ليكي،
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.