» الراجل بص لحازم وهو بيتف عليه: «بنتي أشرف من إنها تدخل بيتكم يا نصابين! وحقي هاخده من عينك في القسم!» المسعفين شالوني على النقالة، وكنت حاضنة جودي في حــ,,ـــــضني بكل ما فيّا من قوة. وأنا خارجة من باب الشقة، كانت العمارة كلها والشارع مقلوبين. المعازيم اللي كانوا تحت في العزومة طلعوا على الصوت… أخوات حازم اللي كانوا في الكوافير رجعوا يجروا وشافوا أخوهم متكلبش في إيد الشرطة، وأمهم بتصرخ في وسط الشارع والناس بتبص عليهم بقرف وشماتة بعد ما الفضيحة انتشرت في دقايق: «الراجل اللي كان بيمــ,,ـــــوت مراته في النفاس عشان يتجوز عليها ويطردها من شقتها!
» دخلت المستشفى، ودخلوني العمليات فوراً لخياطة الجرح ووقف النزيف. الدكتور قال لأهلي بعدها: «ساعة واحدة كمان والنزيف ده كان هيدخلها في تسمم أو هبوط حاد… ربنا نجاها بمعجزة عشان بنتها.» بعد شهرين… #حكايات_منــال_عـلـي كنت قاعدة في صالون شقتي… الشقة اللي كانوا فاكرين إنهم هيطردوني منها بالذل والمهانة. جودي كانت في حــ,,ـــــضني، بتضحك ضحكة بريئة غسلت كل وجع حسيته في اليوم ده. حازم اتقفل عليه في قضايا نصب، وتبديد، وشروع في .
، والراجل التاني رفع عليه وصلات أمانة مكنش دافعها. وأنا طلبت الطلاق للضرر وأخدت كل حقوقي بالقانون، شقتي، وقايمتي، ونفقة بنتي، وحرمته هو وأهله حتى من إنهم يعتبوا باب العمارة. بنت حماتي مرجعتش تفرح، والعزومة اللي كانت بتتباهى بيها قدام الناس بقت وصمة عار ملزوقة في وشهم في المنطقة كلها ومحدش بقى يدخل بيتهم.
بصيت في المراية… #حكايات_منــال_عـلـي شفت الست اللي كانت من شهرين بتزحف على السلم والدم بينزل منها ومكسورة… ودلوقتي، شايفة أم قوية، عرفت إن الضعف عمره ما كان قدر، وإن الحق لما تسكت عنه بيضيع، بس لما تقف على رجلك وتحارب علشانه… ربنا بيقف معاك وبيقلب كيد الظالم في نحره.
بست جودي على راسها، وابتسمت وأنا بقفل الباب ورايا على حياة جديدة تماماً… حياة مفيهاش مكان لا لغدر ولا لظلــ,,ـــــم. “هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.