بقلم زهره الربيع

شروط رجوع بنتي بيتك هتبقى على الورق، وأولها إنك تعرف إن كل مليم بتصرفه على بيتك وابنك ده فرض عليك ومش فضيلة منك، وإن بيت أبوها يفضل مفتوح لها ومعزز لها في أي وقت.” عادل هز راسه بسرعة وقال: “موافق على كل اللي تقوله يا عمي، موافق بالورق وبالحق وباللي يرضيك ويرضي ربنا!” أبويا التفت لي وقال لي بصوت دافي: “تعالي يا سمر.

. رأيك إيه يا بنتي؟” وقفت في الصالة وبصيت لعادل اللي كان باصص لي بنظرة أمل وندم حقيقي، وفي نفس الوقت بصيت لأبويا اللي رفع رأسي وصان كرامتي لما جوزي حاول يستقل بيا وبأهلي. حسيت إن الدرس كان قاسي جداً لعادل، بس كان ضروري علشان يبني بيتنا على أساس صح. قلت بصوت ثابت: “أنا موافقة أرجع يا بابا، بس بشرط واحد.

. عادل يفهم إن كرامتي وكرامة أهلي خط أحمر، والفلوس اللي بتتكلم عنها بكرة وتيجي وتروح، لكن الأصول لو راحت مش بترجع تاني.” عادل وقف ومسك إيدي قدام الكل وقال: “توعدك يا سمر.. عمرك ما هتشوفي مني اللي يزعلك تاني، والبيت ده وأهلك على راسي من فوق.

” اتفقنا على كل شيء، وعادل دفع الفلوس اللي كان أبويا صرفها للمستشفى وزيادة، واعتذر لأمي وقبل رأسها قدام الجميع. لمينا حاجتنا، ورجعت شقتي وأنا حاسة إن الموقف ده بالرغم من قسوته، غيّر عادل تماماً وخلاه يشوف أهلي بنظرة احترام وإجلال عمره ما هينساها طول حياته.