لقاء مؤثر

بحاول الاقيكي الدموع نزلت على خدوده وقال بقالي كتير فاكر اني عمري ما هلاقيكي وبعدين طلع جواب قديم مدهولي وقال ده بتاعك انتي بصيت لتحت ونفسي اتقطع ايدي كانت بتترعش وانا باخد الجواب منه الجواب كان قديم وورقته صفرا ومتني من كل حتة كأنه بقاله سنين في جيبه قلبته لقيت اسمي مكتوب عليه بخط امي انا عارفة خط امي كويس اوي كنت بشوفه كل يوم في كراسة المذكرات بتاعتها اول ما شفت الخط دموعي نزلت

لوحدها بصيت للراجل وقلتله انت جبت ده منين قالي افتحيه وانتي هتفهمي كل حاجة فتحت الجواب وكان مكتوب فيه يا حبيبتي لو بتقري الجواب ده يبقى انا مبقتش موجودة ويبقى الراجل ده اخيرا لقاكي الراجل ده يبقى ابوكي انا اتجمدت مكاني بصيت للراجل وبصيت للجواب تاني ابويا اللي امي قالتلي انه ماټ وانا صغيرة امي كانت دايما تقولي ابوك ماټ في حاډثة وانتي عندك سنتين كنت بشوف صورته صورة واحدة بس قديمة ومش واضحة قريت

تاني امي كاتبة انا كدبت عليكي يا بنتي ابوكي مماتش ابوكي كان اطيب راجل في الدنيا بس انا اللي بعدته عنك احنا كنا بنحب بعض اوي وهو كان رسام وكنا بنحلم نكبر سوا بس اهلي رفضوه عشان فقير ومعندوش شغل ثابت وانا كنت صغيرة وضعيفة وسمعت كلامهم وسبته ساعتها كنت حامل فيكي وهو كان عايز يرجعلي بس انا خفت من اهلي ومن كلام الناس وقلتله انساني ومتدورش عليا وهو عشان بيحبني بجد وعدني انه مش

هيظهر في حياتي تاني عشان ميتعبنيش بس قالي هفضل مستنيكي انتي وبنتنا طول عمري ولو في يوم احتاجتيني هتلاقيني وعملنا انا وهو نفس الوشم العصفورة الزرقا عشان نفتكر بعض انا فضلت طول عمري بحب ابوكي يا بنتي بس كبريائي منعني ارجعله وفضلت اقولك انه ماټ عشان متدوريش عليه وتتعبى زيي دلوقتي انا عيانة وعارفة اني هسيبك قريب فكتبت الجواب ده واديت نسخة منه لابوكي وقلتله لو في يوم قابل بنتنا اديها الجواب ده وقولها اني

اسفة واني كنت انانية ولو بتحبيني سامحيني قريت الجواب وانا بعيط بصوت عالي في وسط الصالون كل اللي في الصالون سكتوا وبقوا يبصولي المديرة اللي كانت بتقول انه بيعطل الزباين قربت مني وقالتلي انتي كويسة مردتش عليها بصيت للراجل اللي هو ابويا وشفت دموعه نازلة اكتر مني قلتله انت ابويا بجد هز راسه وقالي ايوه يا بنتي انا ابوكي قالي انا من يوم ما امك سابتني وانا بدور عليكو كنت بروح كل سنة اقف بعيد

قدام مدرستك اشوفك من بعيد وانتي طالعة وكنت بشوفك بتكبري وانا مش قادر اقربلك عشان وعدت امك قالي كنت بشتغل رسام على الرصيف وبرسم صور للناس عشان اجيب فلوس وكل فلوس كنت بحوشها عشانك انتي كنت بقول يمكن في يوم تحتاجيني قلتله وانت ليه شكلك كده وليه هدومك مقطعة قالي عشان بقالي شهرين عيان ومش قادر اشتغل وصرفت كل اللي معايا على العلاج والدكتور قالي لازم عملية وانا معيش فلوسها فكنت بدور على شغل حارس