حكم الخلع ده صدـ,,ـــر بناءً على إعلان صحيح على محل إقامتك المسجل في بطاقتك الشخصية وفي عقودك الرسمية. وعصمتها منك انتهت قانوناً وشرعاً بعد الصيرورة النهائية للحكم وانقضاء العدة الشرعية. الجواز الثاني تمت إجراءاته بشكل شرعي وقانوني تماماً بعد ما الست بقت خالية من أي موانع شرعية. بالنسبة للحضانة؟ حضانة الأولاد الجدد دول من صلب المهندس طارق، مالكش أي صفة قانونية ولا حتة حق يسحملك تتكلم عنهم، دول مش أولادك أصلاً!
ولو حاولت ترفع قضية بطلان أو تتهمهم بأي اتهام باطل، الراجل يقدر يرفع عليك قضية قذف وتعويض ويدخلك السجــ,,ـــــن، لأن معاهم مستندات رسمية موثقة من وزارة العدل والخارجية!” الزوج ضــ,,ـــــرب بيده على المكتب وقال بغضب: “يعني مفيش ثغرة؟! مفيش أي طريقة أخليهم يدفعوا ثمن اللي عملوه فيا؟!” المحامي سكت شوية، وبعدين ابتسم ابتسامة خبيثة وقال: “فيه طريقة واحدة… بس دي مش هتجيب لك الست، دي ممكن تعمل لغط وشوشرة، بس مخاطرتها عليك كبيرة جداً.
طالما أنت مصر على الأذى، تقدر تقدم طلب إعادة نظر في دعوى الخلع بدعوى إنك كنت خارج البلاد وما تمش إعلامك بشخصك، وتبعت إنذارات رسمية على عنوان شغل طارق وعنوان سكنهم عشان تنكد عليهم إجازتهم وتعمل لهم شوشرة قدام الناس. لكن خليك عارف، المحكمة هترفض الطلب ده في الأغلب، وهم هيستخدموا الإنذارات دي ضيدك عشان يرفعوا عليك قضية بلاغ كاذب وإزعاج وتعويض مالي كبير!
” الزوج ما فكرش ولا لحظة في العواقب، وقال بلهفة وغل: “اعملها! اكتب الإنذارات، وأنا هتكفل إني أوصلها بنفسي أو أخلي المحضر يروح لهم لبيت أهلها وفي الشارع قدام الناس كلها! لازم هيبتهم تكسر!” وبالفعل، بدأ المحامي يجهز الأوراق الباطلة والإنذارات الكيدية. وكان الهدف الوحيد للزوج هو إنه يفسد عليهم إجازتهم في مصر ويسبب لهم حرج وفضيحة قدام الجيران والعيلة.
بعد يومين، كان المحضر طالع على بيت أهل الزوجة ومعه الإنذارات الرسمية. الزوج القديم كان واقف في أول الشارع بيتفرج من بعيد، مستني يراقب لحظة الانهيار والخوف اللي هتظهر على وش طارق وعلى وش زوجته لما يستلموا أوراق المحكمة ويحسوا إن الخطر بيهدد حياتهم واستقرارهم. المحضر طلع العمارة، ونزل بعد عشر دقائق. الزوج القديم جرى على المحضر وسأله بلهفة: “ها؟ سلمت لهم الإنذارات؟
شفت وشهم كان عامل إزاي؟ أ اكيد اتخضوا واتجننوا؟!” المحضر بص له باستغراب واستحقار وقال له: “أنا سلمت الإنذار للباشمهندس طارق بنفسه. الراجل قرأ الإنذار بمنتهى الهدوء، وابتسم وقال لي ‘تسلم يا متر، المحكمة هي الفاصل بيننا وبين المفتري ده’. وطلب مني أكتب في محضر التسليم إنه استلم بشخصه وجاهز للرد القانوني فوراً. الراجل ولا اتهز ولا خاف يا أستاذ، ده حتى أخد مراته وولاده بعد ما نزلت ونزلوا يتمشوا ويركبوا عربيتهم وكانوا بيضحكوا!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.