زهرة الربيع

. ليه كل حاجه حصلت بالطريقه دي” هارون نزل عينه وقال: “علشان كل واحد فينا كان فاهم الثاني غلط” فتنه سكتت. هارون كمل: “انا كنت فاكر انك اخترتي صابر عليا” فتنه قالت: “وانا كنت شايفاك قاتل قدامي” سكت هارون، وكأن الكلمه وجعته. ثم قال: “يعني انتي فعلًا ما كنتيش معاه؟” فتنه ما ردتش. هارون: “ردي عليا يا فتنه” فتنه نزلت عينيها وقالت: “صابر كان بيحبني.. وانا كنت عارفه انه ناوي ياخدني بعيد.

. وهددني اكتر من مره.. بس انا خفت اتكلم” هارون بص لها بذهول: “كنتي عارفه؟” فتنه: “ايوه” هارون حط ايده على راسه وقال: “يا بنت عمي.. ليه؟” فتنه: “خفت من كل حاجه.. ولما حصل اللي حصل، خوفي كبر” هارون سكت طويلًا. وبعدها قال: “يعني انا عشت تلات سنين في السجــ,,ـــــن وانا فاكر حاجه مش حقيقيه؟

” فتنه قالت: “وانا عشت تلات سنين بلوم نفسي على مــ,,ـــــوت صابر” هارون قال: “واحنا الاتنين ضيعنا تلات سنين” فتنه: “يمكن اكتر من تلات سنين” لمحة نيوز الصبح كانوا قاعدين على الفطار، وبدران قال: “بقيتي احسن دلوقتي يا فتنه؟” فتنه قالت بحرج: “الحمد لله بخير يا جدي.. ما تشغلش بالك” اخدت نفس وقالت: “كنت عايزاك في موضوع مهم.. اهو حفيدك حبيب قلبك ورجع.. اظن كفايه يعني.. اشوف حياتي..

عايزه اطلق” هارون كان بيفطر، ولما سمع كلامها سكت فجأة وبص لها بزهول. وقال: “انتي.. انتي قولتي ايه؟” فتنه قالت بقوه مصطنعه: “جد الجد كمان.. عايزه اطلق.. كفايه كده.. خليني اشوف حياتي” قالت كده ومشيت من غير ما تسمع رد وطلعت جري على اوضتها. هارون كان هيتجنن، لكنه لقى جده ماسك إيده وقال: “بالراحه يا ولدي.

. بالراحه.. ما تنساش انها زعلانه منك” هارون قال: “هيه مش زعلانه بس.. هيه شايله جواها سنين” رتيبه قالت بهدوء: “هي مرايداش غيرك يا هارون” هارون بص لها باستغراب. رتيبه كملت: “دي بتي اللي انا ربيتها.. وسرها معاي.. والبت عشــ,,ـــــقاك وريداك من قبل ما انت تطلبها للجواز” هارون قعد قصادها بلهفه وقال: “انتي بتقولي ايه يا خاله رتيبه؟.. اوعي تكوني بتقولي كده علشان…” قاطعته وقالت: “وميته خالتك رتيبه بتكذب؟

.. عمري كدبت عليكم واصل؟” وسكتت لحظه ثم قالت: “اللي حصل في الحكايه دي كله سوء فهم.. صابر كان عايز البت وقلها وتحايل عليها كتير.. وهي قالتلي اكتر من مره كانت ممكن تتجوزه لو مكانش هارون في قلبها” هارون كان بيبصلها بزهول. رتيبه كملت: “فتنه موفقتش عليك علشان انت ولد عمها زي ما بتقول.. وافقت علشان محبتش غيرك” هارون قال: “امال زعلانه عليه كل ده ليه؟” رتيبه قالت: “علشان انت مفاهمهاش.

. البت في حياتها ما شافت حد بيمــ,,ـــــوت قدامها.. وتقوم انت ترجع بعد سنين وانت شايل جواك كل الوجع.. هي اتكسرت من اليوم ده” هارون سكت. رتيبه: “لو عايز تعذرها ممكن يكون لسه فيه حبل وصال.. ولو عايز تسمع كلامها اللي بتقوله في لحظه غضب منك.. براحتك يا ولدي” هارون وقف وباس على راسها وقال: “وساكته ليه يا ست الناس؟