حماتي أنا كان ممكن دلوقتي أكون محبوسة بين أربع حيطان والكلبشات في إيدي وسيرتي على كل لسان.. والسبب أقرب الناس حماتي وأخت جوزي. الناس اللي كنت فاكرة إنهم عزوتي طلعوا هما اللي حافرين لي الحفرة اللي كنت هقع فيها وما أسميش. الحكاية بدأت من أسبوع لما سها أخت جوزي جاتلي البيت وشها مفرود وبتقولي بلهجة فيها عشم بقولك إيه يا هناء أنا محتاجة 200 ألف جنيه سلف عشان أكمل جهازي إنتي عارفة إن الحاجة غليت وأنا عروسة وماليش غيرك.
رديت عليها بهدوء يا سها يا حبيبتي ال 200 ألف دول هما اللي شايلينهم لمصاريف المدارس وعملية ابني الصغيرة إنتي عارفة إن الظروف ضيقة ولادي أولى بيهم.. وبعدين إنتي لسه قدامك وقت على الجواز. سها وشها اتقلب في ثانية وحماتي اللي كانت قاعدة مراقبة المشهد وقفت وحطت إيدها في وسطها وقالت بنبرة تخوف بقى كده يا هناء بتبخلي على أخت جوزك طيب وحياة غلاوة ابني عندي لندمك على اليوم اللي قولتي فيه لا.
. خلي فلوسك تنفعك. يومها مخدتش كلامها محمل الجد قلت ساعة وهتعدي.. بس الشيطان كان لسه بيبدأ اللعبة. النهاردة الصبح كنت لابسة عبايتي السمراء المشغولة وطرحتي الموف ونزلت السوق ورجعت. غيرت هدومي ودخلت المطبخ أحضر الغدا. فجأة لقيت الباب بيتفتح بعنــ,,ـــــف وجوزي عصام داخل وشه أحمر زي وعينيه فيها نظرة خوف وك سرة عمري ما شفتها. وراه كان فيه أمين شرطة واتنين عساكر!
عصام مسكني من دراعي وهو منهار إيه اللي إنتي عملتيه ده يا هناء ليه كده إنتي ضيعتي نفسك وضيعتينا! وقفت مذهولة عملت إيه يا عصام في إيه والناس دي داخلة بيتنا كده ليه عصام طلع موبايله وإيده بتترعش وفتح فيديو.. الفيديو كان متصور بكاميرا موبايل من بعيد شوية طالع فيه واحدة مدية ضهرها للكاميرا ولابسة بالمللي عبايتي السمراء وطرحتي الموف اللي كنت لابساهم الصبح!
الست دي كانت عمالة تضر ب في حماتي بالقلم من في مدخل العمارة وحماتي بتصرخ وتستغيث حرام عليكي يا هناء.. ابعدي عني يا ! أنا وقعت من طولي كانت أكبر من عقلي.. الست اللي في الفيديو دي مش أنا بس هي نسخة مني ومن لبسي. بصيت لعصام بذهول وقلتله والله العظيم ما أنا يا عصام!
أنا كنت في السوق ورجعت المطبخ إزاي ده يحصل عصام بص للأرض بوجع أمي وشها متشلفط يا هناء وسها هي اللي صورت الفيديو وهي بتعيط.. البوكس مستني تحت وامي عاملة فيكي محضر ب بتقرير طبي. في اللحظة دي شفت سها واقفة ورا العساكر بتبص لي بابتسامة نصر خفية وكأنها بتقولي شوفتي ال 200 ألف كلفوكي إيه وقفت في نص القسم أحلف مية يمين إن الست اللي في الفيديو دي مش أنا وإن العباية والطرحة دول أي حد ممكن يقلدهم لكن ضاعت وسط شتائم حماتي وتمثيل سها أخت جوزي اللي كانت بتلطم وتصوت وتقول يا مفرية.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.