خرجت الممر، وكانت الصدمة.. حماتي “أم محمود” ومحمود معاها، طالعين الممر ورجال الأمن بيحاولوا يمنعوهم، بس حماتي كانت بتصرخ بصوت أعيرة نــ,,ـــــارية يملأ الشركة كلها: * فين مدير الشركة دي؟! فين الموظفة الخائنة اللي شغالينها عندكم؟! تعالوا شوفوا الموظفة محترمة اللي جوزها وبتتبلى على أهله وتجيب لهم البوليس! زمايلي كلهم خرجوا من المكاتب، والناس كلها وقفت تتفرج وتتهامس. محمود كان واقف جنب أمه، مش بيمنعها، بل كان واقف وشه عرقان وبيمثل دور الزوج المظلوم المكسور.
حماتي أول ما شافتني واقفة على باب المكتب، شاورت عليّ بإيدها وصرخت بصوت هز الدور كله: * أهي! أهي الست هانم! جاية تقعد لي في التكييف هنا وتعمل نفسها موظفة شريفة، وهي سالبة جوزها وراهنة حاجته وواخدة فلوسه وعاملة لي فيها بريئة! يا ناس دي ست مش أمينة، والشركة دي لازم تعرف حقيقتها!
دمي اتصفى من وشي، وإيدي اترعشت من كثرة الإهانة، بس مسكت نفسي بالعافية وقربت بخطوات ثابتة وقولت بصوت حاد ومسموع: * أنتِ بتعملي إيه هنا يا ست أنتِ؟! أهلاً بكِ في مكان شغلي عشان تتفضحي بالقانون! أنتِ وجوزي جايبين نفسكم لحد هنا ليه؟ في اللحظة دي، خرج أستاذ “سامح” مدير الفرع من مكتبه، راجل صارم وشديد، وشها متجهم من المهزلة اللي بتحصل: * في إيه هنا؟
! إيه الفوضى دي؟ مين الناس دول ويا عبير إيه التهريج ده في مكان العمل؟! محمود اندفع للأستاذ سامح وحط إيده على صدـ,,ـــره يتكلم بمسكنة وخبث: * يا فندم أنا جوزها.. الأستاذة عبير الموظفة الملتزمة عندكم، حابسة حاجتي ورافعة عليا قضايا تزوير وسرقة وبتمارس عليا بلطجة هي وأهلها! وجاية شغلك تتدارى فيكم وأنا جاي أطالب بحقي وبمرتبها اللي بتاخده وما بتدفعش منه مليم في بيتي! حماتي كملت وراه ببراعة: * أيوة يا بيّ!
دي بتيجي هنا الشغل تسيب بيتها خراب وتيجي تأكل وتشرّب على قفا جوزها، وخدت أجهزة البيت كلها وهربت! شركة محترمة زي دي إزاي تشغّل عندها واحدة بالقسوة والافترى ده؟ الأستاذ سامح بص لمحمود ولأمه بنظرة احتقار قاطعة، ولّف لي وقال بجمود: * عبير.. اتفضلي على مكتبي حالاً. وأنتوا اتفضلوا ادخلوا معها عشان المهزلة دي تنتهي هنا.
دخلنا المكتب، والأستاذ سامح قفل الباب وقعد ورا مكتبه، وبص لمحمود وقال بلهجة ثقيلة: * الأستاذ بيقول إن عبير خدت حاجته وهربت ورامياك؟ ممتاز.. عبير شغالة معانا هنا من أربع سنين، وكل القرارات المادية وفواتير الشراء والتقسيط بتم من خلال الشركة بخصم مباشر من مرتبها. الميكرويف والأجهزة اللي بتتكلموا عنها، عبير قسطتها من مرتبها الخاص ومعانا الفواتير هنا في شؤون العاملين باسمها وبإمضائها!
محمود اتلخبط ووشها جاب ألوان، وقال يتلعثم: * يا فندم.. بس هي مراتي والفلوس دي حق بيتي.. الأستاذ سامح قطعه فوراً وضــ,,ـــــرب بيده على المكتب: * مرتب الموظف حقه الشخصي بالقانون يا محترم! أنت جاي هنا تقتحم شركة محترمة وتشهر بفرع كامل وبموظفة ممتازة عندنا عشان خلافات أسرية على ميكرويف وتكييف؟ أنت عارف إن الحركة دي ممكن أعملك بيها محضر رد شرف وتعدي على المنشأة وتشهير بموظفة في مكان عملها؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.